Krónan ...

[Zyklus]

Hinir ábyrgu og hinir útvöldu

Ábyrgir menn

Ráðuneytisstjóri í fjármálaráðuneytinu situr fund með fjármálaráðherra Bretlands.

Fundarefnið: Staða Landsbanka Íslands.

Sami ráðuneytisstjóri á hlutabréf í bankanum sem metin eru á annað hundrað milljónir króna.

Eftir fundinn selur hann bréfin.

Stuttu síðar fer bankinn á hausinn.

Hjón á sjötugsaldri tapa ævisparnaði sínum. Þau höfðu stefnt að þægilegu ævikvöldi. Í þeirra augum var hinn 103 ára Landsbanki Íslands traustari en gull. Þær upplýsingar sem þau bjuggu yfir gáfu þeim ekki tilefni til annars.

Ráðuneytisstjórinn situr sem fastast í starfi sínu og ráðherra sér ekki einu sinni tilefni til að tjá sig um málið.

Þeir ráða sjálfir sínum örlögum.
Útvaldir menn

Íslenskir bankar fara í útrás og selja íslenskum almenningi þátttökurétt í gleðinni í formi hlutabréfa.

Þeim sem ekki eiga sparifé til kaupanna er boðið lán.

Íslensku bankamennirnir fá góð laun og sérstök verðlaun fyrir vel unnin störf. Verðlaunin eru hlutabréf í bankanum. Bankinn lánar þeim líka fyrir bréfunum.

Bankinn er þjóðnýttur, íslenskur almenningur tapar hlutabréfunum sínum og sumir skulda enn bankanum fyrir kaupunum.

Bankamennirnir sleppa betur, þeir stofnuðu félög sem áttu bréfin og tóku lánin. Þau félög eiga ekkert lengur og verða gjaldþrota. Bankamennirnir starfa enn fyrir bankann og fá enn margföld mánaðarlaun meðalsmannsins.

Þeir eru hinir útvöldu starfsmenn íslenska ríkisins.

Tekið af http://gunnaraxel.blog.is/blog/gunnaraxel/entry/694525/.

Bara það að það sé grunur um að ráðuneytisstjórinn hafi selt bréf sín í Landsbankanum á grundvelli upplýsinga sem aðrir höfðu ekki aðgang að er nóg ástæða til þess að hann segi af sér. Og ef síðan sannast að hann hafi stundað ólögleg innherjaviðskipti á þessi maður einfaldlega að fara í steininn.
Í öðrum siðuðum löndum væri ekki sjens að þessi maður væri ennþá í starfi sínu. Það eru gerðar mun strangari kröfur annars staðar til ráðherra og starfsmanna ríkisins en hér á Íslandi. Bara sem dæmi þá þurfti ráðherra á norðurlöndunum (Svíþjóð eða Danmörk) að segja af sér því hann notaði greiðslukort ríkisins til að kaupa Toblerone handa sjálfum sér.
Hér á landi einfaldlega segja ráðamenn ekki af sér, þeir komast bókstaflega upp með allt.

[gstuning]

íslendingar , bestir í heimi.

Núna bestir í því að tapa.

http://m5.is/?gluggi=frett&id=63737

[///MR HUNG]

Úff það er rosalegt að lesa um allar uppsagnirnar hjá ykkur,Og ég sem var að fá launahækkun

[hjá]

bananarnir hans Íbba eru brillant
það getur hver sem er mótmælt hvar sem er án mikils kostnaðar
bara eina opinbera byggingu í hvaða sveitarfélagi sem er
alþingi-ráðuneyti-sýslumann-lögreglustöð-ráðhús-sveitarstjórnarskriftofu

einn banana(eða annan ávöxt þegar bananar eru uppseldir eða bannaðir) á tröppurnar á hverjum degi og skilaboðin sjást

þetta gefur svo móralskan stuðning til þeirra sem sitja heima og gera ekkert, bíða eftir að aðrir geri eitthvað

þú velur tímann og staðinn fyrir 50 kr bananann

[bimmer]

[Zyklus]

http://visir.is/article/20081101/FRETTIR01/26519277&SearchID=73334853807818

Skattar hækkuðu langmest á Íslandi

Íslendingar eru sú þjóð sem mátt hefur þola langmestar skattahækkanir af öllum þjóðum innan Efnahags- og framfarastofnuninnar, OECD, á síðasta áratug. Er nú svo komið að Ísland er komið á topp tíu listann yfir þau ríki sem þyngsta skattbyrði leggja á þegna sína.

Stjórnmálamenn á Alþingi eru nú farnir að tala um að skattahækkanir séu óhjákvæmilegar. Tölur sem OECD birti fyrir hálfum mánuði sýna hins vegar að landsmenn hafa allt frá árinu 1995 mátt þola verulega þyngingu skattbyrði, úr rétt liðlega þrjátíu prósentum af vergri landsframleiðslu og vel yfir fjörutíu prósent. Bráðabirgðatölur fyrir síðasta ár sýna að skatthlutfallið var þá komið í 41,4 prósent.

Efnahags- og framfarastofnunin birti einnig töflu sem sýnir hvernig skattbyrði breyttist í iðnríkjunum á einum áratug. Athygli vekur að eitt land, Ísland, sker sig algerlega úr, sem það ríki sem þyngdi skattbyrði á þegna sýna langmest af öllum iðnríkjum heims á nýjasta viðmiðunartímabili, 1995 til 2006. Ísland var eina landið með yfir tíu prósentustiga aukningu skatta. Tyrkland og Kórea komu næst með um sjö prósentastiga aukningu, en Spánn var í fjórða sæti með fjögurra prósentustiga aukningu. Meðaltal OECD var 1,2 prósentustiga aukning skatta og var skattahækkunin á Íslandi því meira en áttfalt meiri en meðaltalið.

Ísland klifraði á þessum áratug hratt upp listann yfir ríki með þyngstu skattbyrðina en þar tróna nú Danmörk og Svíþjóð á toppnum. Ísland er komið á topp tíu listann og er nú í níunda sæti yfir þau ríki sem leggja á þyngstu skattana.

Það er ekki nóg með að Sjálfstæðisflokkurinn beri ábyrgð á mestu efnahagsþrengingum lýðveldisins heldur hefur skattbyrði stóraukist í valdatíð þeirra.
Glæsileg frammistaða það.

Kannski ekki skrítið að erlendur hagfræðingur láti hafa þetta eftir sér:

Robert Z. Aliber, professor emeritus við háskólann í Chicago, segir í grein í Morgunblaðinu í dag, að ríkisstjórn Íslands og seðlabanki séu engu hæfari sem stjórnendur nútíma hagkerfis en þau væru sem stjarnvísindamenn.

„Þau skildu ekki að uppsveifla íslenska hagkerfisins árin 2005 og 2006 byggðist á skuldasöfnun – lán voru tekin til þess að standa í skilum með önnur lán – og nú vita þau ekki hvernig unnt sé að ná jafnvægi aftur eftir að pappírsauðurinn er horfinn. Það er ólíklegt að nýir leiðtogar sem væru valdir af handahófi í símaskrá gætu valdið jafnmiklum efnahagslegum glundroða og núverandi stjórnvöld," segir Aliber.

Hann segir einnig, að ríkisstjórnin og seðlabankinn virðist ekki skilja af hverju Bandaríkin og önnur lönd hiki við að lána þeim peninga. Svarið sé einfalt þótt það hljómi ekki vel. Það beri enginn traust til núverandi ríkisstjórnar og seðlabanka; það treysti þeim enginn til þess að grípa til þeirra ráðstafana sem nauðsynlegar séu til þess að unnt verði að endurgreiða slík lán.

Aliber segir að Seðlabanki Íslands ætti við þær aðstæður sem nú eru komnar upp að grípa til allra nauðsynlegra ráðstafana til þess að markaður með gjaldeyri verði virkur á nýjan leik. Íslendingar verði, eins og aðrar þjóðir, að læra að lifa ekki um efni fram.

Þá segir hann að dómstólar verði að skera úr um hvort ríkisstjórn Íslands sé ábyrg fyrir skuldum íslensku bankanna í breskum pundum vegna innlánsreikninga þeirra og dótturfélaga þeirra á Bretlandi.

Aliber hélt í maí sl. fyrirlestur í Háskóla Íslands, sem vakti talsverða athygli. Þar hélt hann því fram, að litlar líkur væru á því að íslensku bankarnir kæmust hjá því að verða fyrir áhlaupi. Jafnvel mætti ætla að hljóðlátt bankaáhlaup væri þegar hafið.

Glöggt er gests augað...

[HK RACING]

Úff það er rosalegt að lesa um allar uppsagnirnar hjá ykkur,Og ég sem var að fá launahækkun

Veitir þér nokkuð af henni?....nei ég bara spyr

[Phoenix]

Hefði nokkur hérna neitt svakalega á móti því þó Valhöll myndi alveg óvart verða alelda og menn með flokkskírteini færu að finnast uppí hinum og þessum ljósastaurum?

[Schulii]

Hefði nokkur hérna neitt svakalega á móti því þó Valhöll myndi alveg óvart verða alelda og menn með flokkskírteini færu að finnast uppí hinum og þessum ljósastaurum?

Þú ert nú meiri helvítis viðbjóðurinn!

[Phoenix]

Þetta var nú einföld já eða nei spurning en þú um það.

Og er minn þankagangur viðbjóðslegri enn innræti þeirra sem halda nú dauðahaldi í völdin og keppast við að sópa ósómanum undir teppið?

[bebecar]

Þetta var nú einföld já eða nei spurning en þú um það.

Og er minn þankagangur viðbjóðslegri enn innræti þeirra sem halda nú dauðahaldi í völdin og keppast við að sópa ósómanum undir teppið?

Menn skulu nú bara anda rólega. Þetta snýst um peninga. Ég er skráður í flokkinn, óskar þú þess að að sjá mig hangandi úr ljósastaur?

Ég mun láta minn gamla flokk gjalda fyrir mistökin með atkvæði mínu í næstu kosningum og það verður mitt andóf. Mér finnst hinsvegar afar kjánalegt að lesa svona innslög. Gerir þú þér ekki grein fyrir því að við erum í þessum vandræðum vegna þess að þjóðarbúið skuldar of mikið? Veistu hverjir stofnuðu til þessara skulda? Það var ekki ríkisstjórnin. Það er hægt að kenna þeim um að hafa ekki hemil á þjóðinni en það var einmitt það sem hún var kosin til - að gefa þjóðinni lausari taum.

Þeir sem stofnuðu til þeirra skulda sem við súpum núna seiðið af, þeir bera höfuð ábyrgðina. Afhverju mótmælir engin þeim?

[saemi]

Þetta var nú einföld já eða nei spurning en þú um það.

Og er minn þankagangur viðbjóðslegri enn innræti þeirra sem halda nú dauðahaldi í völdin og keppast við að sópa ósómanum undir teppið?

Já og eigum við ekki bara að byggja nokkra gasklefa líka og fara með fallexi niður á torg.

[MR.BOOM]

Góð hugmynd....fást nokkur störf fyrir vikið.

[Alpina]

jæja ........

[bebecar]

Maður skilur vel að fólk sé reitt og það getur vel verið að þetta endi með ósköpum. En kommon, fólk verður að líta sér nær. Mjög margir hafa verið í vinnu hjá akkúrat þeim sem stofnuðu til skuldanna - bara fyndið að ætla að kenna eingöngu ríkisstjórninni og Davíð um þetta.

Sökudólgarnir eru að mínu mati fyrst og fremst þeir sem stofnuðu til þeirra erlendu skulda sem þjóðarbúið getur núna ekki borgað af (útrásin og margir þeirra sem lifðu um efni fram)!

Svo ríkisstjórn, seðlabanki og FME fyrir að leyfa þessu að viðgangast og fyrir nánast algjöra meðvirkni.

Mikið af fólkinu í landinu fyrir að kóa með þessu öllu saman.

Sjálfstæðisflokkurinn, Framsóknarflokkurinn, Samfylkingin (sem er búin að halda hlífiskyldi yfir útrásinni á meðan hún var gagnrýnd og rannsökuð af ríkinu) og ÓRG. Og ég er örugglega að gleyma einhverjum.

Svo vil ég nú bara minna á að það er alþjóðlega kreppa í gangi og það er ekkert útséð með það að fleiri þjóðir lendi ekki í viðlíka vandræðum og við. Það tekur yfirleitt lengri tíma í stærri hagkerfum.

Rússland, Ungverjaland, Úkraína og fleiri lönd munu þurfa aðstoð.

Þegar fólk hættir í afneitun á sinni ábyrgð á ástandinu og byrjar loksins að heimta að þeir sem stofnuðu til skuldanna axli sína ábyrgð þá fyrst eigum við sem sjálfstæð þjóð einhverja von. Eins og nú er mótmælt er þetta bara sami grauturinn í annarri skál og það mun ekki breyta neinu að koma eingöngu ríkisstjórninni frá.