bmwkraftur.is

Held að menn þurfi að koma réttu myndinni inní höfuðið á sér...

Sumir hugsa um hana svona













En ...get real

Veiða hann og setja í húsdýragarðinn maður!!

þyrfti reyndar að skíra staðinn eitthvað annað en HÚSDÝRAgarð

Veiða hann og setja í húsdýragarðinn maður!!

Þá er nú betra fyrir greyið að vera dauður. Öruglega nokkrir hérna sem muna eftir ísbjörnunum í sædýrasafninu og hvað þeim virtist líða illa.

Ekki raunhæft að svæfa hvítabjörninn

Ísbjörninn fallinn Margt hefði þurft að koma til sem nú er ekki til að dreifa, að mati forstöðumanns Náttúrustofu Norðurlands vestra, svo telja mætti raunhæft að svæfa hvítabjörninn í Skagafirði. „Ég hef eiginlega verið í símanum frá því að björninn var felldur, að tala við fólk sem er heitt í hamsi vegna atburðanna," segir Þorsteinn Sæmundsson, forstöðumaður Náttúrustofu Norðurlands vestra. „En ég tel að ákvörðunin hafi verið hárrétt miðað við þær aðstæður sem við var að etja."

Hann segir nauðsynlegt að hafa margt tiltækt svo raunhæft sé að svæfa ísbjörn. „Í fyrsta lagi yrði að vera deyfilyf og byssa á svæðinu þannig að ekki tæki nema örfáar klukkustundir eða skemur að komast yfir það," segir hann. „Í öðru lagi yrði að vera til búr til að geyma hann í, í þriðja lagi yrði að liggja fyrir hvernig ætti að flytja hann og hvert og þá yrðu menn að vera tilbúnir að leggja út í þann kostnað sem því fylgir, til dæmis ef á að flytja hann til heimkynna sinna. Og svo þyrfti náttúrlega mannskap sem kann með allt þetta að fara."

Ólafur Ingólfsson, prófessor við Háskóla Íslands, sem bjó um áraskeið á Svalbarða og hefur farið þangað í rannsóknarleiðangra, tekur undir með Þorsteini. „Ef ég mætti hvítabirni í Skagafirði þá myndi ég skjóta hann á staðnum," segir hann. „Hann er svo sem ekki sérlega árásargjarn í eðli sínu en ef hann ókyrrist og leggur til atlögu við fólk þá endar það annað hvort með því að maður lætur lífið eða björninn, eðli hans er þannig að það er enginn millivegur."

„Ég ætla ekki að rengja þá Þorstein og Ólaf, ég var heldur ekki á svæðinu og á því erfitt með að leggja mat á þetta," segir Árni Finnsson, formaður Náttúruverndarsamtaka Íslands. „Hins vegar er alveg ljóst af viðbrögðum almennings að mikill meirihluti fólks vill að við verndum náttúruna og ef það var ekki gerlegt í Skagafirði þá tel ég alla vega mikilvægt að þannig verði búið um hnútana að við getum brugðist þannig við í framtíðinni að sómi verði af fyrir land og þjóð."

það er i.m.o akkurat málið, ég hrífst mjög af ísbjörnum, en þetta var bara eina skynsamlega lausnin á þessu akkurat þarna við þessar aðstæður,

það er svo annað mál að núna ættum við að vera betur undirbúinn undir það að þetta skeðí aftur, þetta var hvorki í fyrsta né síðasta skipti sem þetta skeður,