Quote:
Samskonar kerfi eru í notkun hér í DK þar sem ungt fólk á þess kost að setja svona í bílinn hjá sér gegn því að fá lægri iðgjöld. Þar virkar það þannig að ef þú ferð upp fyrir hámarkshraða þá byrjar kerfið að pípa og ef þú lækkar ekki hraðann strax færðu punkt = og þar með hærri tryggingar.
Nú bíður maður bara eftir því að ef maður vill líftryggingu og/eða sjúkdómatryggingu þá séu settir skynjarar á ísskápinn minn (er ruslmatur þar?), á ljósin í svefnherberginu (ef þau eru kveikt framyfir miðnætti þá ferðu of seint að sofa, sem er ekki gott fyrir heilsuna), á klósettið (greina úrganginn úr þér til að athuga heilsufar), og að ígræddur sé í alla tæki sem fylgist með hjartslætti, neyslu áfengis, o.fl.
Allt auðvitað alls ekki skylda, bara svona "hentug" leið fyrir fólk til að spara á iðgjöldum (= ef þú samþykkir þetta ekki, ef þú framselur friðhelgi þína ekki til okkar, þá munum við snarhækka öll iðgjöld eða neita þér um tryggingu).
Nú munu margir hlægja að þessu, en
hafið í huga að þessi "stóra bróðurs" framtíð mun ekki gerast öll í einu (þá er breytingin of augljós og sársaukafull) heldur mun hún gerast hægt og rólega, og hvert lítið skref sem verður tekið mun líta út fyrir að vera fullkomlega skynsamlegt m.v. skrefið sem á undan var tekið og aðstæðurnar sem notaðar eru til að réttlæta það (hryðjuverk, mikið um hraðakstur, o.s.frv.). Þetta er engin samsæriskenning. Þeir sem stjórna þessu landi vilja oft vel og taka svona ákvarðanir haldandi það að þær muni hjálpa (án þess að ætla sér að skapa "stóra bróður" samfélag). Þess vegna er enn mikilvægara fyrir okkur að passa upp á svona þróun (sérstaklega í ljósi þess að jafnvel þó svo við treystum núverandi ráðamönnum fyrir viðkomandi tækni, þá er ekki víst að framtíðar ríkisstjórnir fari vel með þetta).
- E
Login
Register
FAQ
Search
