Þvílík vika. Maður er eiginlega bara feginn að markaðir opni ekki aftur fyrr en á mánudag.
Í mínum innleggjum hér á þessum þræði hef ég varað við því að ástandið ætti eftir að verða slæmt og sagt að það kæmi alltaf að skuldadögum en ekki óraði mig fyrir að það ætti eftir að gerast með þessum hætti sem við höfum orðið vitni að á seinustu dögum.
Þetta er enginn smá viðsnúningur. Fyrir ári síðan vorum við mestu bankasnillingar heimsins (eða það héldu Íslendingar) og við áttum að hafa fundið upp hjólið í viðskiptum (þjóð þar sem skipulögð verðbréfaviðskipti hafa verið stunduð í innan við 20 ár...). Þá var hver sá sem taldi að íslensku bankarnir ættu kannski aðeins að fara rólega í útrásinni talinn afturhaldssinni og þeir sem bentu á að þetta gæti endað illa voru taldir röflarar og svartsýnisrausarar. En hverja var nú meira mark á takandi, greiningadeildirnar eða „svartsýnisröflararnir“?
En að ástandið yrði það slæmt að hér væri verið að tala um hugsanlegan eldsneytisskort og vöruskort er einfaldlega eitthvað sem fáir hafa getað ímyndað sér. Þessar sviptingar á svona stuttum tíma eru einfaldlega ótrúlegar. Þvílík breyting á stuttum tíma.
Við erum að tala um það að alþjóðlegir fjárfestar meta það sem svo að Ísland sé í raun gjaldþrota. Bankarnir séu einfaldlega búnir að keyra landið í kaf.
Skuldatrygginaálag (CDS-spread) á Kaupþing komið í 6250 punkta og greiða þarf fyrirfram, álagið á Landsbankann komið upp í 5800 punkta fyrirfram og Glitnir er með álag upp á 6000 punkta sem einnig þarf að greiða fyrirfram.
Greitt er fyrirfram fyrir skuldatryggingar þegar þeir sem selja tryggingarnar meta það sem svo að mjög mikil hætta sé á að sá aðili sem tryggja á fari í gjaldþrot.
Það sem er mest sjokkerandi er álagið á ríkið, sá sem ætlar að kaupa tryggingu gegn því að Ísland gjaldfelli á sínum lánum þarf að borga 1600 punkta fyrirfram. Fjárfestar meta það því sem svo að verulegar líkur séu á að landið stefni í gjaldþrot.
Nú ganga sögusagnir um að eitthvað gerist um helgina, hugsanlega neyðarlán frá IMF.
Það var eitthvað skítið í gangi með krónuna í dag, hún hreyfðist sama sem ekkert. Það er væntanlega vegna þess að gjaldeyrir er nú skammtaður. Íslenski gjaldeyrismarkaðurinn er einfaldlega frosinn.
Gengið er annað á milli erlendra banka.
http://www.reuters.com/article/rbssBanks/idUSL362414620081003
Quote:
According to Icelandic central bank data, the euro was quoted at 155.95 crowns, 0.18 percent higher on the day <EURISK> by 1455 GMT, with contributions seen mainly from domestic banks.
But offshore dealers said the euro had been trading in smal amounts about 7 percent higher at between 162-167 crowns. One trader said the euro was quoted as high as 170 crowns.
Komandi kreppa er líklega sú versta síðan ´29 kreppan. Maður á bágt með að trúa því sem er að gerast núna.
En á svona tímum er mikilvægt að fólk paniki ekki og alls ekki missa sig í þunglyndis/svartsýnisgírinn. Því það gerir bara málin enn verri. Því Íslendingar eru svolítið þannig að þeir missa sig annað hvort í ofurbjartsýni (eins og seinustu ár) eða þá eins og núna þar sem margir virðast bara ætla að gefast upp. Það má náttúrulega alls ekki.
Varðandi Landsbankann þá er hann líklegast sá veikasti af bönkunum þremur, allavega miðað við það sem maður les. Útlánasafnið þeirra er víst ekki eins og best verður á kosið. En á móti kemur að það eru öflugir eigendur að baki Landsbankanum (Björgólfar).
En það er alveg ljóst að bankarnir eiga eftir að taka á sig mikið af afskriftum því hér stefnir allt í fjöldagjaldþrot einstaklinga og fyrirtækja ef ekki verða einhverjar drastískar breytingar.
Login
Register
FAQ
Search
