Skemmtilegar pælingar í gangi, gaman að fá upplýsingar beint frá þeim sem hafa prófað að búa í útlöndum. Sjálfur hef ég bara búið í útlöndum (Noregi) þegar ég hef ekki þurft að spá í hvað hlutir kosta, þ.e. var það ungur.
Smá dæmi:
Fór til Noregs í sumar og fór á pizzastað. Greiddi fyrir mat og drykk, tveir stórir bjórar, tvö gosglös, ein stór pizza og ein miðlungspizza (vorum 2 fullorðnir og 2 börn) um 730 NOK og gengið var um 20. Í þokkabót var þetta hádegismatur eftir ferðalagið frá Íslandi.
Mjög dýrt m.v. að mínar tekjur eru í ISK, ... töluvert dýrt fyrir Norðmann með tekjur í NOK, ... en ekkert rosalega langt frá því ef ég hefði farið á Pizza Hut á Íslandi með mínar ISK tekjur.
Ef maður byggir upp sjóð áður en maður fer út, þá fer sá sjóður, að manni finnst, "fyrir lítið". Hvort að hlutir eru dýrir fyrir mann eða ódýrir, er háð þeim tekjum sem maður hefur í viðkomandi landi (kaupmætti).
Það sem ég er að reyna að segja er að það er ekki alltaf lýsandi að umbreyta verðum á hinu og þessu í ISK til að sýna fram á að hlutir séu dýrir.
Það er hins vegar staðreynd að maður þarf að hugsa sig vel um á hvaða svæði maður fer þegar maður flytur erlendis. Orkureikningar eru t.d. oft mun dýrari en hér á Íslandi, svo og húsaleiga á þéttbýlum svæðum. Listinn sem fart setti fram er gott dæmi. Á öðrum stöðum er hægt að fá mjög góð kjör, einfaldlega vegna þess að það vantar fólk á svæðið.
Var að heyra fréttir af manni sem ég kannast vel við. Sá keypti sér nýlega húsnæði í Noregi á 1 NOK (tók vissulega yfir lán). Sá er að vinna dálítið frá því þar sem hann keypti hús, svo hann er ekki heima hjá sér nema fös.-sun. Hann fær bensínstyrk til að koma sér til og frá vinnu, sem og uppihald og gistingu á meðan hann er í vinnunni (mán.-fim.). Ofan á þetta væri hann mjög fín laun. Downside: Jú, hann er vissulega ekki heima hjá sér nema um helgar, en fær frí alla föstudaga. Maðurinn er smiður.
Var í Frakklandi í desember. Þar voru t.d. öll ljós slökkt, í öllum herbergjum nema þar sem fólk var. Það var til siðs að slökkva t.d. á tölvum á meðan borðað var. Svo var svo kalt inni að allir voru í skóm.
Félagi minn býr í Þýskalandi, er þar í skóla. Ég var að spyrja hann um daginn hvernig laun væru þar fyrir ungt fólk (sem er jafnvel í skóla). Þar má fólk vinna upp að einhverjum €639 á mánuði, án þess að borga tekjuskatt (og fyrsta þrepið þar eftir er 15% tekjuskattur + lögbundin gjöld). Fólk sem er að vinna í verslunum er með c.a. €9 á tímann, fólk sem er að vinna á veitingastöðum er með c.a. €10 á tímann + þjórfé, sem getur verið c.a. samtals €15-€20 á tímann (og þá þjórféð skattlaust) en sjálfur er hann að vinna hjá markaðsfyrirtæki við grafík og forritun með skóla og hefur c.a. €18 á tímann (byrjaði í €12 á tímann). Það er líka töluvert algent að eldri nemendur kenni yngri nemendum og hafa þeir c.a. €6 á tímann fyrir það (en það er vissulega ekki endalaus að gera í þeim "business"). Það skal tekið fram að það er ekki hlaupið að því að fá vinnu.
Skattkerfið í mörgum af löndunum í kringum okkur er líka letjandi, þ.e. þú þarft ekki að hafa neinar rosalegar tekur áður en skattman fer að taka meiri og meir skatt af tekjunum þínum. Á mörgum stöðum tíðkast heldur ekki að vinna yfirvinnu, einfaldlega vegna þess að það borgar sig ekki.
Síða í Danmörku sem útlistar viðmiðunarlaun m.v. menntun og starfsgrein:
http://www.jobindex.dk/cgi/cv/salaryindex.cgi.
Mæli með því að þeir sem eru virkilega að spá í að flytja erlendis, kíki á þessa síðu:
http://ec.europa.eu/eures/main.jsp?acro=lw&lang=is&catId=490&parentId=0 (Búsetu- og starfsskilyrði).
Þarna er hægt að velja sér land og skoða upplýsingar um vinnumarkaðinn eða vinnuskilyrði og lífskjör.
Þeir sem hafa hug á því að flytja út... vandið ykkur og hugsið ykkur vel um. Það er ekkert "elsku mamma" þegar á hólminn er komið.
Login
Register
FAQ
Search
(a.t.k. þetta er allt sem að frændi minn er búinn að segja mér, hann er núna búinn að búa þarna í 4-5 ár og er núna barí skóla og fær borgað fyrir það og er eini íslendingurinn til að keppa í hundasleða hlaupi 
)
)
