Ég þekki ágætlega þá sem um ræðir í þessarri sögu. Tel þá til vina minna, frekar en kunningja.
Mér finnst leiðinlegt ef þetta verður til leiðinda á milli góðra einstaklinga, bara vegna mismunandi skoðanna á þessu málefni. Samt gæti ég nú trúað að þetta muni draga dágóðan dilk á eftir sér. Það eru ekki allir sem fyrirgefa jafn glatt og ég.....
Það má vel vera að ég sé ekki nógu harður gaur. Sé ekki tilbúinn til að borga í gegnum nefið, taka skotið í brjóstið, stökkva upp og ausa úr skálum reiði minnar er mér mislíkar eitthvað med det samme.
Sá sem harðast deildi hér fór að mínu mati langt yfir strikið. Það má segja ýmislegt í öruggu umhverfi, þegar aðstæður eru réttar í góðu tómi. Ég þekki kauða mjög vel og kann að deila með 10 þegar hann er kominn í gírinn, en það er ómögulegt fyrir ókunnuga að sjá það. Þetta verður flókið þegar svona mál hafa farið útfyrir öruggt umhverfi og ratað fyrir augu allra.
En ég sé bara ekki af hverju það þarf að vera svona mikill æsingur í kringum þetta mál. Það er ekki eins og viðkomandi hafi stofnað hér þráð, betlandi pening af Pétri og Páli. Eins og ég skildi þetta, þá var verið að tala um að notfæra sér "publicity-ið" við það að fara með málið "out in the open". Fá aðila til að sponsora og koma hlut sem VAR BÚIÐ AÐ BORGA Í TOPP í upprunalegt ástand. Það er ekki verið að grátbiðja meðlimi hér um að kasta pening í púkkið, það er ekki búið að biðja þá um krónu!
Ég skil fullvel sjónarhorn eigandans, hann var búinn að koma sér upp skotheldri græju, ekki af ódýrustu sort (að því að hann hélt allavega, hljómaði þannig líka, þó að turbo geti seint talist skothelt
) sem var síðan tekin upp á eistunum og kreist úr henni líftóran, honum alls fjarri og í trássi við fyrirmæli hans.
Ég ætla ekki að kasta rýrð á þann sem hélt um eistun, ég hef hingað til ekki dæmt menn nema af eigin raun. Það hefur virkað ágætlega hingað til, þó svo að maður verði að taka mörgu(m) í þessum heimi með vara, ef maður vill ganga sáttur frá borði. Menn verða líka að teljast saklausir unns sekt er sönnuð.
Ég skil málið þannig að það sé verið að reyna að bjarga því sem hægt verður, með því að fá hjálp utanaðkomandi aðila. Síðan hvenær hefur fólk verið að hæðast að SÁÁ fyrir að selja einhvern Álf á fáránlega yfirsprengdu verði? Eða Kvennaathvarfið fyrir að selja ömurlega hallærislegan geisladisk með lögum frá Geirmundi, Geira Ólafs og Helgu Möller á 3000 krónur! Er rétt að drulla yfir Gylfa Ægisson þegar hann hringdi í mig um daginn og bauð mér að kaupa disk af sér? Ég sleppti því að hella mér yfir hann fyrir ósvífnina, ég bara sagði nei takk. Hann nefnilega var að bjóða /biðja mig, ekki að krefjast neins. Hann var meira að segja kurteis og vingjarnlegur líka!
Ég veit vel að það eru til göfugri málefni (kannski ekki Gylfi Ægisson), en bottom line að mínu mati er: Það var ekki verið að biðja einn né neinn um að borga krónu, einungis að viðra þá hugmynd að koma söfnun af stað ef fólk vildi hjálpa til af fúsum og frjálsum vilja! Það var enginn að tala um Bmwkraft, ég skildi þetta allavega alþjóðlega í tengslum við umfjöllun á heimsvísu.
Jæja, þetta er orðinn miklu lengri póstur en ég ætlaði. Þetta er bara búið að blunda aðeins í mér, mér hefur fundist umræðan svolítið ósanngjörn. Eins og ég sagði, þá þekki ég alla hlutaðeigandi aðila ágætlega, þeir hafa auðgað flóru BMW áhugamanna safnaðarinns og það væri synd að missa þá úr þessarri hringiðu. Það er kannski borin von, en ég vona að sem flestir af þessum einstaklingum geti talað saman í góðu í framtíðinni, þeim sjálfum og okkur hinum til ánægju og fróðleiks.
Login
Register
FAQ
Search
Meðlimur
