Krónan ...

[Vlad]

Svona til að leggja dropa í hafið hér. Ég hef spáð slatta í ástand hér á Íslandi og í heiminum, bæði fyrir og eftir hrun.

Nokkrir punktar sem ég hef komist að niðurstöðu með sjálfum mér.

Þeir sem stjórna Íslandi í dag eru:

a) Þeir sem eiga kvótann
b) þeir sem stjórna lífeyrissjóðunum
c) stjórnmálamenn

Mikið rétt.

Þarf ekki bara hressilegt CTRL-ALT-DEL á kerfið?

Frekar bara Shift + delete... laus við þetta bull að eilífu.

[zneb]

Mjög sammála sæma, nema, mér finnst komið gott af þessum álverum og virkjunum. Get ekki séð að mikið gott hafi hlotist af þessu risaálveri og virkjun fyrir austan, margt sem bendir til að það hafi bara gert illt verra. Kannski að miklu leyti vegna lélegra eiginhagsmuna-stjórnmálamanna.

Ég neita að trúa því að við getum ekki lifað góðu eðlilegu lífi hér og gott betur en það með þeim auðlindum sem nú þegar hafa verið nýttar. Hvar stoppar þetta annars?

Grunar einmitt að mergur málsins sé það sem sæmi talaði um varðandi eiginhagsmunaseggina... moka þessu í burtu, kvótann til fólksins og burt með þessi rugl laun.

[Svezel]

Það þarf ansi margt að breytast til að þessi fyrningarleið geti gengið upp miðað við skuldsetninguna í sjávarútveginum, eins og staðan er í dag fer nánast allur hagnaður í vaxtagreiðslur af lánum sem runnu upprunalega til kvótakaupa og endurbóta á flotanum. Held að menn myndi ekki tala um arðrán ef þeir sæu hvernig rekstur á þessum fyrirtækjum gengur fyrir sig og milljarðana á milljarða ofan sem þessi fyrirtæki skila í ríkiskassann, við núverandi kerfi er þó nýting auðlinda sem hæst og reksturinn laus við ríkisstyrki. Það er ástæða fyrir því að stjórnmálaflokkar gefa þessar fyrninarleiðir upp á bátinn þegar þeim gefst tækifæri til að skoða ofan í kjölinn á rekstrinum.

Málið er að þau fyrirtæki og þeir rekstraraðilar sem eru í þessu í dag eru þeir sem hafa þraukað öll þessi ár og kostað gríðarlega fé til að halda í þann veiðirétt sem þeir hafa í dag og n.b. borga ríkinu milljarða á hverju ári fyrir þann veiðirétt.. Þeir sem hafa selt réttinn og virkilega makað krókinn er löngu farnir í annan rekstur (banka, fjárfestingar, o.fl) sbr. Samherja bræður, Bakkavör, Magnús Kristinsson o.s.frv.

Það hlýtur hins vegar að vera hægt að gera meira úr rekstrinum með því t.d. að draga úr útflutningi á óunnum fiskafurðum, eða þessari ofveiði á uppsjávarfiski sem er að drepa botnfiskinn sem er jú sá fiskur sem skilar mestum peningum. Það mætti t.d. gera einhverja kröfu um eitthvað lágmarks magn af fiski sem yrði að fara á fiskmarkað og hámarks útflutning á óunnum fiskafurðum sem myndi ýta undir fiskvinnslu og skapa fleiri störf með hærri útflutningstekjum. Hagsældin liggur ekki í eignaupptöku og frekar skattheimtu eins og Steingrímur J virðist halda

[urban]

Grunar einmitt að mergur málsins sé það sem sæmi talaði um varðandi eiginhagsmunaseggina... moka þessu í burtu, kvótann til fólksins og burt með þessi rugl laun.

fólk hefur ekki verið sérstaklega sátt við afskriftir af lánum hjá stórum aðilum hingað til.

ef að þú tekur kvóta af útgerðarmanni þá missir hann tekjumöguleikana
ég hugsa að það séu 95% útgerða sem að eiga einhver kvóta að ráði (meira en bara trillukarlar með <5tonn) sem að hafa keypt hann
hafa tekið til þess lán og eru almennt að borga af þeim lánum (þó svo að það hafi minnkað töluvert núna með gengishruni

hvað er betra við það að taka kvótann af þeim útgerðarmanni sem að hefur skip og báta í útgerð nú þegar,skip og báta sem að nú þegar eru á veiðum ?
helduru að gunna í breiðholtinu sé eitthvað betri að veiða þann kvóta ?

eini munurinn er að gunna í breiðholtinu kemur til með að fá kvóta, kemur ekkert til með að geta notað hann (jú náttúrulega með sölu á honum, en það er það sem að fólk er á móti í kvótakerfinu, kvótakóngum) og útgerðaraðilinn sem að hefur haldið launum í ýmist sjálfum sér (einstaklingur á trillu) eða fjöldafólks hættir að borga af lánunum sínum, þar sem að jú ef að hann hefur ekki innkomu þá borgar hann ekki af lánum.

þar að leiðandi þarf að afskrifa og með afksirftum á kvótalánum þá fara upphæðirnar að hrannast upp
þá verður einfaldlega annað bankahrun hér á landi þar sem að bankarnir hafa engan vegin efni á þeim afskriftum sem að þyrfti að keyra í gegn.

hætta þessu helvítis kjaftæði um fyrningarleið og annað eins

setja 80% veiðiskyldu á þá sem að eiga kvóta og rest er eingöngu skiptanlegt á milli tegunda
þá hættir þessi kvótasala og menn sem að eiga kvótann þeir veiða hann.

þar að leiðandi er hægt að losna við þetta helvítis kjaftæði sem að menn eru ósáttir við í þessu kvótakerfi, sem að er kvótasala og leiga
það er það sem að útbýr ímyndina um "kvótakónginn"

[Zed III]

setja 80% veiðiskyldu á þá sem að eiga kvóta og rest er eingöngu skiptanlegt á milli tegunda
þá hættir þessi kvótasala og menn sem að eiga kvótann þeir veiða hann.

þar að leiðandi er hægt að losna við þetta helvítis kjaftæði sem að menn eru ósáttir við í þessu kvótakerfi, sem að er kvótasala og leiga
það er það sem að útbýr ímyndina um "kvótakónginn"

Agreed,

Kvótakerfið er ekki fullkomið en veiðisóknin er með ágætum, betri en víðast hvar í heiminum.

Það á að takmarka framsal sem kemur í veg fyrir að menn fái úthlutað kvóta og selji hann svo frá sér eða leigi árlega.

Vissuelga má segja að það hafi verið klúður að selja ekki kvótan þegar honum var fyrst úthlutað en það er bara búið og gert, verður ekki tekið aftur.

[Aron Fridrik]

sammála Sæma !

Ég sé bara ekki að nokkuð geti gerst á meðan alþingismenn eru ráðherrar. Að vera kosinn á þing er eitt. Þá ertu kosinn sem fulltrúi fólksins sem kýs þig. En að vera ráðherra á ekkert skylt við það. Þeir eiga bara að vera starfsmenn ríkisins sem væru þá ráðnir af lýðræðislega kjörnum leiðtoga (samanber usa)

t.d. Stendur hvorugur stjórnarflokkur við sín loforð út af því að stjórnin verður að halda ! Þvílík vitleysa !

Svo vill enginn framkvæma shit nema hann eigi hugmyndina sjálfur. Td. neitar Steingrímur að skattleggja lífeyrisgreiðslur (inn í sjóðina) til að reyna að ná inn pening þar án þess að fólk finni fyrir því, bara út af því að það var ekki hans hugmynd heldur stjórnarandstöðu. Lilja Mósesdóttir (sem er hagfræðingur) er meira að segja sammála að þetta er frábær hugmynd. En þetta stoppar á stolti ! Stolt sem við töpum öll á !

[saemi]

Þetta með skuldsetningu sjávarútvegsins er að sjálfsögðu vandamál. Það hefði átt á sínum tíma að banna veðsetningu kvóta, það er búið að taka óhemjumikið af fjármunum út á þann hátt. Ekki fór allur sá peningur í uppbyggingu fiskveiðiflotans eða aðbúnaðs á landi. O nei.

En úr því sem komið er, þá á ríkið að segja: Ókei, við yfirtökum kvótann þinn, en líka lánin. Þú borgar okkur vextina í staðinn fyrir að bankinn fái að blóðmjólka fyrirtækið þitt. Fyrirtækið má ráða hvort það vill núlla allt og engan kvóta, eða nota fyrningarfyrirkomulagið á þetta. Svo verður eitthvað fyrningarfyrirkomulag á þessum vaxtagreiðslum í hlutfalli við kvótann.

Það er einmitt málið líka að það þarf að fullvinna fiskinn hér á Íslandi. Fiskvinnslan er með 10.000 manns á launum í Bretlandi við að steikja fisk! Væri ekki málið að gera þetta hér á landi (reyndar myndi enginn íslendingur vinna þetta, en þá væri ekki svona mikið af erlendu fólki hér á landi atvinnulaust ). Það er ferlega öfugsnúið að skattlagningin skuli stuðla að þvía að fiskurinn fari óunninn úr landi.

[fart]

Krafturinn að stofna stjórnmálaflokk? Það væri allavega skemmtileg ástæða til að flytja heim

[Zed III]

Krafturinn að stofna stjórnmálaflokk? Það væri allavega skemmtileg ástæða til að flytja heim

Það væri nú örugglega betri en það sem er í boði í dag.

Ég væri geim.

[bimmer]

Atli Steinn alltaf sami snillingurinn:



"Ásta Sigrún Helgadóttir, umboðsmaður skuldara

Í dag hef ég lesið, séð og heyrt í íslenskum fjölmiðlum fréttir af úthringingum embættis þíns til Íslendinga sem samkvæmt áætlun sýslumanna eiga yfir höfði sér að missa fasteignir sínar á lokauppboði núna í október. Við fyrstu sýn kann það að virðast sláandi hve fáa næst í en strax á eftir hnýtur maður um það í fréttaflutningnum að 43 prósent aðspurðra hafi ekki nýtt sér heimild til að fresta nauðungarsölu, 18 prósent hafi ekki getað svarað því hvort fresturinn hafi verið nýttur og 48 prósent hafi ekki nýtt sér úrræði vegna greiðsluerfiðleika. Punkturinn yfir i-ið er sá að tíundi hluti aðspurðra veit ekki hver er gerðarbeiðandi við yfirvofandi nauðungarsölu.

Við nánari skoðun kemur engin þessara talna sérstaklega á óvart. Mörg þúsund Íslendingar, sem gerðir hafa verið að annars flokks borgurum og hálfgerðum glæpamönnum í sínu eigin heimalandi, eru flúnir af landi brott og hafa kosið að leita hamingjunnar hér í Noregi og víðar. Þetta er venjulegt fólk eins og sá sem þessar línur ritar. Ekki undrar mig að þessi hópur svari ekki símanum þegar stofnananúmer með forskeytið +354 blasir við á skjánum.

Varðandi það hlutfall fólks sem ekki hefur kosið að nýta sér frestun nauðungarsölu, úrræði vegna greiðsluerfiðleika eða veit yfir höfuð ekki hvaða stofnun er að bjóða fasteign þess upp má einnig auðveldlega finna gjaldgenga skýringu. Þessi hópur hefur einfaldlega gefist upp á bið eftir nothæfum úrræðum og sætt sig við að spilltum bönkum hefur verið gefið veiðileyfi á hann.

Hvað hina snertir, þá sem þegar eru farnir, snýst málið ekki lengur um raunverulegt val. Án þess að ég ætli mér að tala hér fyrir hönd nokkurs skilgreinds hóps veit ég að ég tala fyrir hönd - og báðar hendur - margra í sístækkandi hópi sem ég hef rætt við á götum Stavanger í sumar og mætti vafalaust heimfæra á íslenska nýbúa fleiri skandinavískra borga. Þetta er fólkið sem ákvað fyrir löngu að flýja Ísland og ætlar ekki að leggja það á sig núna að flytja til baka, loksins þegar farið er að ræða um einhver möguleg úrræði. Núna er þetta orðið of seint, Ásta Sigrún, og þau boð mættu einnig ná eyrum hæstvirtra ráðherra forsætis og fjármála. Allt of seint.

Ég lagði það á mig síðasta vetur, ásamt konu minni og samhliða MA-ritgerð, að læra norsku, sækja um tæplega 200 störf í Noregi, moka allri minni búslóð inn í 40 feta gám, ræða við tugi hugsanlegra leigusala í Stavanger, fljúga þangað í samgöngutæki sem er ekki hannað fyrir 194 sentimetra hátt fólk, stíga mín fyrstu skref á norskum vinnumarkaði innan um fólk sem talar óskiljanlegustu mállýsku Noregs og töluvert margt fleira. Núna ætla ég ekki að endurtaka þetta ferli í hina áttina. Ég hefði hins vegar hugsanlega hætt við flutninginn hefði einhver til þess bær aðili sýnt einhvern lit í fyrrasumar í síðasta lagi.

Núna er ég löngu búinn að afskrifa í huga mér hús okkar og íbúð á Íslandi og hyggst ekki notfæra mér úrræði sem koma ári of seint. Sú ákvörðun var reyndar tekin að mestu leyti þegar ég bað Frjálsa fjárfestingarbankann í ársbyrjun 2009 um frystingu á myntkörfuláni sem hafði hækkað úr 17 milljónum í tæpar 40 á um það bil ári, það eru um það bil 55.555 krónur á sólarhring. Svarið var: 'Þú getur alveg sótt um frystingu en við munum segja nei.' Þessum lánum héldu bankarnir látlaust að íslenskum almenningi sem öruggum valkosti við verðtryggð lán.

Þarna brast mín þolinmæði, Ásta, og ég veit að allt of margir hafa svipaða sögu að segja. Ég virði það góða starf sem þitt embætti virðist ætla að hleypa af stokkunum og ég ætla ekki að láta þess ógetið hvílíkt gleðiefni það er að 82 prósent aðspurðra hafi þegið íhlutun embættisins í kjölfar símtals. En í tilfelli mjög margra Íslendinga er barnið löngu dottið ofan í hinn fræga brunn. Vonandi ná þau skilaboð einnig eyrum hinna allra náðugustu arfaherra, Árna Páls Árnasonar, Jóhönnu Sigurðardóttur og Steingríms Jóhanns Sigfússonar.

Með vinsemd og virðingu,

Atli Steinn Guðmundsson,
heimatilbúinn vanskila- og glæpamaður úr smiðju íslenskra banka og stjórnvalda"

[Zed III]

http://m5.is/?gluggi=frett&id=123638

sáuð þið þetta ?

[batti]

Það er alltaf þannig að þeir sem eru skynsamari/heppnari þurfa að borga fyrir þá sem eru óskynsamari/óheppnari. Það kallast samfélagshjálp.

Hér varð hrun sem varð til verðbólguskots.

Það er ekkert náttúrulögmál eða réttlæti að það lendi bara á öðrum aðila
lánasamninganna. Það er alveg réttlæti í því að lánveitendur gefi eftir
hluta af "gróðanum" til baka. Já það kostar þá krónur klárlega. Þeir
eiga ekki skýlausan rétt til að fá eignayfirfærslu til sín frá þeim sem
ekki eru í kröggum.

Þetta er ekki það að þeir skynsamari/heppnari þurfi að borga fyrir hina.

Almennar leiðréttingar væru mjög fljótvirk leið sem myndi strax hafa
áhrif og myndi leiðrétta þá eignaupptöku sem hefur orðið í hruninu
að stórum hluta.

Hvað með þá sem keyptu fyrir CASH á toppi bólunnar? Eiga þeir að fá eitthvað til baka?

Þú bara bullar útí eitt

[fart]

Það er alltaf þannig að þeir sem eru skynsamari/heppnari þurfa að borga fyrir þá sem eru óskynsamari/óheppnari. Það kallast samfélagshjálp.

Hér varð hrun sem varð til verðbólguskots.

Það er ekkert náttúrulögmál eða réttlæti að það lendi bara á öðrum aðila
lánasamninganna. Það er alveg réttlæti í því að lánveitendur gefi eftir
hluta af "gróðanum" til baka. Já það kostar þá krónur klárlega. Þeir
eiga ekki skýlausan rétt til að fá eignayfirfærslu til sín frá þeim sem
ekki eru í kröggum.

Þetta er ekki það að þeir skynsamari/heppnari þurfi að borga fyrir hina.

Almennar leiðréttingar væru mjög fljótvirk leið sem myndi strax hafa
áhrif og myndi leiðrétta þá eignaupptöku sem hefur orðið í hruninu
að stórum hluta.

Hvað með þá sem keyptu fyrir CASH á toppi bólunnar? Eiga þeir að fá eitthvað til baka?

Þú bara bullar útí eitt

[batti]

Það er alltaf þannig að þeir sem eru skynsamari/heppnari þurfa að borga fyrir þá sem eru óskynsamari/óheppnari. Það kallast samfélagshjálp.

Hér varð hrun sem varð til verðbólguskots.

Það er ekkert náttúrulögmál eða réttlæti að það lendi bara á öðrum aðila
lánasamninganna. Það er alveg réttlæti í því að lánveitendur gefi eftir
hluta af "gróðanum" til baka. Já það kostar þá krónur klárlega. Þeir
eiga ekki skýlausan rétt til að fá eignayfirfærslu til sín frá þeim sem
ekki eru í kröggum.

Þetta er ekki það að þeir skynsamari/heppnari þurfi að borga fyrir hina.

Almennar leiðréttingar væru mjög fljótvirk leið sem myndi strax hafa
áhrif og myndi leiðrétta þá eignaupptöku sem hefur orðið í hruninu
að stórum hluta.

Hvað með þá sem keyptu fyrir CASH á toppi bólunnar? Eiga þeir að fá eitthvað til baka?

Þú bara bullar útí eitt

Aron M5 að lýsa sinni skoðun á þér í gegnum accountinn minn hann þorir ekki að tjá sig við vöðvaða bankamanninn á sínum account.

[fart]

Þú bara bullar útí eitt

Aron M5 að lýsa sinni skoðun á þér í gegnum accountinn minn hann þorir ekki að tjá sig við vöðvaða bankamanninn á sínum account.

Ég hafði nú ekki miklar áhyggjur af þessu commenti satt best að segja.