Við ætlum að halda leikdag 1 Apríl (alls ekkert gabb, ég lofa!
)Allar tegundir af bílum velkomnar, afturdrifnir, framhjóladrifnir og drifnir allann hringinn
Spáir fínu veðri en eflaust miklum kulda, þannig að þið komið vel klædd
*Mynd frá Sæma Boom,
Brautin opnar klukkan 13:00 og við hættum að keyra um 17:00
Réttur hringur
Að öðru leiti verður fyrirkomulagið með sama sniði og vanalega:
5 hringir keyrðir í einu og aðeins einn bíll í brautinni í einu.
Það sem þarf til að fá að keyra er:
Skoðaður bíll eða endurskoðun svo lengi sem að ekki er sett útá öryggisatriði. Framvísa þarf skoðunarvottorði ef að bíll er ekki með fullgilda skoðun.
Gilt ökuskírteini
Löglegur hjálmur
Nagladekk stranglega bönnuð
Við mælum svo endilega með því að menn hafi samband við sín tryggingarfélög og fá að vita hvort þeir þurfa viðauka eða ekki.
Farþegar eru leyfðir.
Bæði ökumenn og farþegar skrifa undir ábyrgðaryfirlýsingu á svæðinu.
Gjaldið fyrir að keyra eru 1000 kr fyrir þá sem eru skráðir í DDA og þeir sem eru EKKI meðlimir þurfa að greiða 2000kr
Vakin er athygli á að ársgjald DDA 2010 er 3500kr
Vegna misskilnings sem virðist hafa komið upp þá finnst mér gott að nefna það að menn þurfa auðvitað að vera í akstursíþróttaklúbbi innan ÍSÍ til að keyra. Semsagt ef þú ert í BA, KK ofl. þá kostar 2000kr. Ef þú ert í DDA þá kostar 1000kr.
MIKILVÆGT
Nú er komið í gagnið miðasala hjá N1 bæði í Lækjargjötu í hafnarfirði og í reykjanesbæ.
Hægt er að kaupa dagskort, bæði innan og utan félags.
Það kostar 1000kr fyrir meðlimi og 2000 kr fyrir þá sem eru ekki skráðir meðlimir í DDA.
Biðjið bara um dagskort á Rallýkrossbrautina.
Það keyrir enginn án miða!
Einnig erum við komnir með árskortin til sölu og kosta þá 10.000 kr og fást hjá okkur upp á braut.
Þið sem eruð komnir með meðlimaskírteinin skuluð hafa þau meðferðis.
Það eru N1 kortin sem þið fenguð send heim nýlega
Hér eru svo upplýsingar um hvernig á að skrá sig:
http://www.drift.is/skraningifelagid.php
Muna svo:
Áhorfendur eiga ekki að leggja inní pitt, þeir skulu leggja hægra megin við brautina.
Keyra varlega á malarveginum upp að braut.
Koma með góða skapið
Vona að ég sé ekki að gleyma neinu!
mbk
Jón Ragnar og hinir driftkrakkarnir
