E30 325 Delphin Metallic - Tramp in traffic

[doddi1]

Jæja, allt að gerast. Fékk smá pöntun í hendurnar áðan sem ætti að nægja til að ég geti græjað bílinn í nothæft ástand um helgina og komið honum þá í umferð eftir helgi.

Eitt af því sem ég pantaði var nú samt bara svona hégóma hlutur, var eitthvað að væflast í ETK og rakst á eitthvað sem hét "foot mats for used cars". Tékkaði á verðinu á þessu og var það 11900kr. fullt verð með vaski. Af því að ég er svo forvitinn ákvað ég að panta eitt svona sett til að sjá hvað kæmi og þá komu þessar bara fínu mottur

hvað er þetta ETK?

og eru kraftsmenn með einhvern afslátt hjá fyrirtækjum úti?

[Daníel]

ETK er partaforrit BMW, það sem realoem byggir á. Þetta er að sjálfsögðu keypt hjá umboðinu hér heima.

[IvanAnders]

þegar ég prófaði nýja mótorinn virkaði allt fínt þar til ég setti á 4, þá snarstoppaði hann. Prófaði að skipta um öryggi en það breytti engu, er að spá hvort mótstaðan geti valdið þessu?

Mjög líklegt, myndi henda nýrri eða "annari" í.

[Einarsss]

alveg í lagi þessar mottur.. búinn að panta svona

[burger]

virkilega smekklegur

hefði ekkert á móti því ef maður hefði eignast þennan

edit:

tímareima skipti eru ekkert mál ! ef 17 ára gutti getur það hlítur þú að geta það

[Daníel]

Já, þetta er efnilegur bíll þó það þurfi nú aðeins að klappa honum útlitslega.

Hef svona verið að móta stefnuna með hann, ætla að koma honum á götuna núna fyrir sumarið, konan er farin að vilja hafa Volvo-inn heima svo hún geti aðeins viðrað sig og pjakkinn á daginn. Ætla að koma læsingunni í drifið sem ég var að fá og svissa þeim einhverja helgina áður en spóltímabilið hefst. Svo verður bara tekið á því í sumar!

Í haust sest ég á skólabekk og reikna þá með að þessi fari í dvala og í langtíma uppgerð með áætlaðan lokatíma um miðjan þennan áratug. Verður örugglega fínt að taka sér smá frí frá skólabókum og skrúfa aðeins í bílnum svona einstaka sinnum.

[Daníel]

Jæja, sótti plöturnar á þennan í gær og viðraði hann aðeins.

Í ljósi fyrirliggjandi plana ætla ég að taka það rólega með fleira í hann í bili, koma læsta drifinu í fyrir sumarið og reyna svo bara að vera reglulegur gestur uppi á braut.

[Leví]

Stendur hann ekki fyrir utan Ingvar Helga. ?

[arnibjorn]

Stendur hann ekki fyrir utan Ingvar Helga. ?

Kæmi mér ekki á óvart. Danni vinnur þar.

[Leví]

Já svoleiðs
Maður er alltaf að læra eitthvað nýtt

[Daníel]

Kom fínn pakki frá Amazon í gær. Pantaði þaðan 3 bækur sem allar eiga eftir að koma sér vel þegar ég fer að gera og græja næsta vetur.







Kem til með að sitja í húsbóndastólnum við lestur á næstunni.

[jens]

Glæsilegt, hef lengi langað að panta bók nr. 1

[Daníel]

Glæsilegt, hef lengi langað að panta bók nr. 1

Já, mér líst vel á hana, hún er skrifuð sérstaklega með skúrakallinn í huga, ekta fyrir okkur.

[Einarsss]

Jæja, allt að gerast. Fékk smá pöntun í hendurnar áðan sem ætti að nægja til að ég geti græjað bílinn í nothæft ástand um helgina og komið honum þá í umferð eftir helgi.

Eitt af því sem ég pantaði var nú samt bara svona hégóma hlutur, var eitthvað að væflast í ETK og rakst á eitthvað sem hét "foot mats for used cars". Tékkaði á verðinu á þessu og var það 11900kr. fullt verð með vaski. Af því að ég er svo forvitinn ákvað ég að panta eitt svona sett til að sjá hvað kæmi og þá komu þessar bara fínu mottur:



BMW logo á þessu og alles.

Það fylgja líka festingarnar fyrir þær þannig að þetta er bara snilldarsett! Rétt rúmur 10þúsund kall með kraftsafslætti. Fyrir þá sem hafa áhuga er partnúmerið 82519404953.

Reikna með að mæta á samkomuna á þriðjudag þannig að ef einhvern E30 perrann langar að prófa að klappa þessum mottum er það velkomið.

Var að ná í motturnar mínar áðan, þetta er alveg mega kúl fyrir lítinn pening. Takk fyrir að hafa fundið þetta