En fyrst þetta er kannski komið á það stig að ég fari nú að segja eitthvað sem vit er í (þetta er fyrir Sæma og Skúla
)
Ég hefði viljað séð þetta gerast svona:
1. Þjóðnýting bankanna átti aldrei að gerast. Þeir sem áttu kröfur á bankanna (kröfuhafarnir), áttu að koma til landsins og taka yfir bankana (þetta gerist líklega á hverjum degi, þegar fyrirtæki fara á hausinn, þá tekur kröfuhafi við rekstrinum). Kröfuhafarnir hafa lagt til milljarð ofan á milljarð í bankana og vilja að sjálfsögðu ekki tapa peningunum (eins og gerðist með þessa þjóðnýtingu). Kröfuhafinn vill að sjálfsögðu halda rekstri bankans áfram og ég tel að kröfuhafinn myndi mjög sennilega halda rekstrinum áfram með því að senda öllum viðskiptavinum sínum þau skilaboð að halda áfram að vera í viðskiptum við bankann svo hann færi nú ekki endanlega á kúpuna.
2. Davíð Oddson var of pólítískur að mínu mati í viðtölum sem áttu að snúast að seðlabankastjórn og krónu og auratali. Hann bókstaflega talaði KB banka á hausinn, sem er að sjálfsögðu slæmt og ég held að það geti enginn neitað því. Að mínu mati á að vera ópólítískur maður/kona sem er seðlabankastjóri, mér hefur fundist þetta alla tíð, eða síðan ég fór eitthvað að pæla í stjórnmálum, eða yfirhöfuð hafa skoðanir. Seðlabankastjóri sem kemur beint úr einhverjum flokki, sérstaklega svona stór pólítíkus eins og Davíð Oddson, sem er fyrrverandi Borgarstjóri, Forsetisráðherra og formaður Sjálfsstæðisflokksins á ekki erindi í sæti Seðlabankans. Það þyrfti að vera maður sem er menntaður á sviði fjármála. Svezel benti á að menn geta verið klárir í fjármálum þó þeir séu ekki beint menntaðir í þeim efnum og er það hárrétt, en maður sem er svona innvínklaður í pólítík hefur alltaf einhver áhrif út á við og lætur pólítískar skoðanir sínar oft ganga fyrir.
3. Stjórnvöld áttu að reyna þagga niður í Bretum á einhvern hátt fyrir rudda- og dónaskap í garð íslensk efnahagslífs. En það er kannski erfitt að þagga niður í svona stórri þjóð.
4. Það á að draga útrásarvíkingana til saka. Mennirnir stækkuðu bankana svo mikið og svo hratt að þetta var farið að verða eins og tímasprengja. Einn banki á kúpuna og spilaborgin öll fellur nánast. Mennirnir eru ekki bara að skuldsetja sjálfa sig heldur alla þjóðina, ég held að ég sé að fara með rétt mál að hvert og eitt einasta mannsbarn skuldi nú 5+ milljónir.
5. Ég held að Jón Ásgeir sé að stilla ríkisstjórninni upp við vegg. Hann flutti inn þarna einn af ríkari mönnum í heiminum og fór með hann á fund við ríkisstjórnina. Nú á ríkið einhvern hlut í Baugi Group og ég held að Jón Ásgeir vilji að þessi ríki kall kaupi hlut ríkisins í Baugi á slikk. Ef ríkið leyfir það ekki að þá "láti" hann þjóðnýta Baug í Bretlandi. Það þýðir jú, slatti af stöðugildum sem losna og við eigum eftir að skulda næstu 50 árin eða eitthvað bull mikið.
6. -Samsæriskenning- Mér finnst að við ættum að leyfa Rússum að koma núna hingað, byggja flugvöll eða olíuhreinsistöð eða eitthvað tengt hernaði. Þá held ég að bæði Bretar og Bandaríkjamenn eigi eftir að koma skríðandi til okkar með vasa fulla af peningum til þess að borga Rússana út. Því Ísland er svo gríðarlega sterkt land á sviði hernaðar (staðsetning). En ég tek það fram að þetta er svona ágætlega langsótt dæmi um samsæri
.
Ég held að ég sé nú ekki að gleyma neinu í þessum málum sem mér finnst að ættu að fara betur.
Vonandi skilst þetta allt....
Kveðja,
Haukur
Login
Register
FAQ
Search
Meðlimur
