bmwkraftur.is

Kristján Einar Kristjánsson, Íslandsmeistari í gokarti, hefur staðið sig vel á þeim æfingum sem hann hefur farið á í Nýja-Sjálandi þar sem hann er nú við lokaundirbúning fyrir keppni í Toyota Racing Series International Trophy, TRS-mótaröðinni í kappakstri sem stendur yfir frá 5. til 20. janúar.


TRS markar upphaf kappakstursferils Kristjáns Einars á
alþjóðavettvangi. Hann hefur verið í stífum æfingum hjá breska
meistaraliðinu Carlin Motorsport frá liðnu sumri. Þangað fór
hann upphaflega með það að markmiði að keppa í Formúlu BMW
sem er svokölluð byrjunarformúla. Fyrstu prófanir þóttu hins vegar
sýna frammistöðu og aksturshæfni sem opnaði honum tækifæri til
prófana og æfinga á mun öflugri formúlubílum.

Kristján Einar bætti í nótt tíma sinn á Ruapuna brautinni um 2 sekúndur frá því nóttina áður og viðrist lofa góðu fyrir keppnina þar um helgina, sem verður hans fyrsta í alþjóðlegum kappakstri.

Besti hringur hans í nótt var á 1.23,3 og var hann þokkalega sáttur með það. „Þetta þykir ágætistími í þessari braut, en ég á samt rúmar tvær sekúndur í bestu menn - og þeir eru nokkuð margir í hópnum! Þetta er öflugur hópur sem keppir hér og má nefna að hér eru til dæmis margfaldir meistarar úr A1GP og Champ Car eins og Matt Halliday og Daniel Gaunt . Brutarmetið frá árinu 2005, sem talið var að myndi standa óhaggað, féll strax á fyrstu æfingu í gær,“ sagði Kristján Einar eftir æfingarnar.

S85 er vondur mótor þó að hann sé kraftmikill...

Nú fara menn kannski að hlusta betur á hann þegar hann er að tjá sig hér á spjallinu

Why? Hlusta menn eitthvað "illa" á hann?

Mér finnst menn oft hafa tekið heldur fálega innleggjum hans þegar rætt er um tæknilegar hliðar aksturs og bíla, svona eins og hann viti ekki um hvað hann er að tala.

Það örlar stundum á öfund þegar menn ná að gera eitthvað spennandi eins og margir spjallverjar hér hafa náð. Hinsvegar má líka horfa til þess að menn eru öðrum mönnum hvatning enda er orðið talsvert um metnaðarfulla einstaklinga hér sem eru að gera góða hluti.

Ég er alveg sammála þessu, menn fóru að efast um hann sem íslandsmeistar í gokarti o.s.frv.

En hvar er hann núna, og hvar eru hinir núna.

Var það ekki bara einn maður

Og mér líður eins og að það hafi verið eitthvað persónulegt þar í gangi...