Radarvarar

[Jss]

Veit einhver hvort það séu ekki ábyggilega notaðar sömu tíðnir í UK og hér við hraðamælingar (radar, laser og myndavélar). Hef heyrt allt mögulegt í þessum málum, er nefnilega að pæla í kaupum á radarvara, hugsanlega frá UK, veit af tilboðinu hjá B&L, veit einhver e-ð um þann radarvara, finn lítið um hann af viti, þ.e. performance testing.

[Jss]

Þetta er radarvarinn sem ég er að spá í

Gott concept og talað um að hann virki vel, og ekkert rándýr þótt hann kosti sitt. Í flestum tilfellum ódýrari en hraðasekt.

[Heizzi]

Allavega skemmtileg hönnun á þessu

[jth]

Sá í linkum sem JSS póstaði að þeir báru Cheetah saman við nokkra radarvara, þ.á.m. Valentine One.

Ég ætla ekki að reyna að sannfæra einn né neinn um að þetta sé rangt/hlutdrægt mat - en ég get sagt frá reynslu minni af Valentine One. Ég fékk mér Valentine One 1999 og myndi hiklaust mæla með honum við alla sem eru að skoða þessi tæki.

Næmni/drægni Valentine er góð, svo góð að ég ætla leyfa mér að fullyrða að hún sé nægilega góð í flestum tilfellum. Valentine hefur bjargað mér oftar en einu sinni

Nokkrir af kostum Valentine One:
1. Örvarnar: Það er alveg hreint ótrúlegur kostur að vita hvert maður þarf að líta - hvar löggan geti legið í leyni.
2. Teljarinn: Þegar maður ekur sömu leið daglega venst maður því að sjá merki um "geislun" á ákveðnum stöðum og hættir að hugsa um það sem mögulega ógn. Á Bústaðarveginum niður Öskjuhlíðina var ég vanur að sjá tilkynningu um 3 "geisla" - tilkynning um 4 hefði hægt á mér.
3. Möguleikar á fínstillingu viðvarana: Þegar maður hefur ekið með sama radarvarann í nokkurn tíma áttar maður sig á því að viðvaranir f.ákveðin tíðnisvið hafa ekkert með radarbyssur lögreglunnar að gera. Með Valentine varanum er minnsta mál að slökkva á ákveðnum tíðniböndum.

Til að hafa varann á í lok þessa lofsöngs verð ég að taka fram að ég hef ekki prófað aðra "alvöru" radarvara (Escort 9500 o.þ.h.). Samanburðurinn á Valentine One við ódýrari radarvara (10-25 þús tæki sem fást t.d. í Fríhöfn) er einfaldur, Valentine ber höfuð og herðar yfir þá!

Margir setja það fyrir sig að græjan kosti $400 - en það tiltölulega auðvelt að réttlæta þennan pening....ekki það að bílaáhugamenn hafi einhvern tímann áhuga á því (að réttlæta útgjöld í jafn "klikkað" sport og bílinn sinn)

Jóhannes

[Jss]

Veistu hvað hann myndi þá kosta hingað kominn, held nefnilega að það sé eitthvert græjufyrirtækið að selja þá á yfir 50.000 kr.

Þetta með örvarnar og fjölda ógna er einmitt sagður einn besti kostur valentine one umfram aðra radarvara.

[jth]

Veistu hvað hann myndi þá kosta hingað kominn, held nefnilega að það sé eitthvert græjufyrirtækið að selja þá á yfir 50.000 kr.

Ég tók minn með mér í ferðatösku, það er með þetta eins og aðra hluti að ef maður flytur þetta inn skv. bókinni þá hættir þetta að vera skynsamlegt.

Eitthvað rámar mig í að Bílabúð Benna hafi verið að selja Valentine One radarvara, a.m.k. sá ég eitt stykki þar f. u.þ.b. 2 árum á ~80 þús kr - tóm vitleysa!

Eru fleiri á spjallinu sem hafa reynslu af Valentine One?

[bebecar]

Ég hef prófað radarvara nokkuð ítarlega. Ég hef líka lesið niðurstöður könnunar í USA sem sýndi frammá að "Budget" radarvara voru bestir miðað við verð, ástæðan er sú að þar er slagurinn mestur og margir dýrari radarvarar voru aðeins lakari í næmni en þessir ódýrstu.

Ég á frekar ódýrann radarvara sjálfur og hann hefur bjargað mér margsinnis.

Af fenginni reynslu myndi ég kaupa mér þann radarvara sem talinn er bestu kaupin.

[Stefan325i]

valintine one hefur veririð besti radarvarinn í heimi í 10 á ef ekki meira og það hefur verið marg sannað, en hann er svolítill hlunkur u.þ.b tvöfalt stærri en hefðbundinn radarvari

en ef eg væri að fjárfesta í radarvara þá mundi ég punga út fyrir valintine one

[jth]

Af fenginni reynslu myndi ég kaupa mér þann radarvara sem talinn er bestu kaupin.

Ég tek undir með Stefáni - hiklaust myndi ég mæla með Valentine One umfram ódýra "mainstream" radarvara.
Bebecar - þú segist hafa prófað radarvara nokkuð ítarlega. Ég er nokkuð viss um að þú sért ekki búinn að prófa Valentine One (annars værirðu sjálfur með svoleiðis)

Í fjölskyldu minni eru 2 bílar útbúnir með radarvörum sem hafa verið keyptir á Íslandi (annar Viper, man ekki nafn á hinni tegundinni). Eftir að hafa ekið með Valentine radarvaranum gerir það mig gráhærðan að hlusta á hin tækin skríkja og væla í sí og æ.

Spauglaust - ef munurinn á "mainstream" radarvara (á Íslandi) og Valentine One (í Bandaríkjunum) er ekki meiri en ~15þús þá er það vel þess virði að reyna að fá einhvern til að taka hann heim til landsins í ferðatöskunni.

Jóhannes

[bebecar]

Ég hef ekki prófað Valentine one, það sem hann hefur til síns máls er stefnuvirku ljósin og næmni.

En hann er líka mjög dýr miðað við budget radarvara.

Ég prófaði hinsvegar dýra radarvara sem voru ekki betri en budget varinn sem ég prófaði líka.

[Kull]

Mér finnst það líka mikill kostur við V1 að geta slökkt á vissum tíðnisviðum. Oft sem ég hef óskað að hafa þann valkost á mínum. Ég er bara með ódýrann úr fríhöfninni en hann hefur svosem staðið fyrir sínu, hef allavegana ekki fengið hraðasekt í þau þrjú ár sem ég hef átt hann.