bmwkraftur.is

Sælir

Nú er kuldinn allsvakalegur á morgnana og fyrstu mínúturnar í bílnum hálfgerð pína þar sem maður situr hreyfingarlaus fyrir framan stýrið.

Ég hef nokkrum sinnum hoppað út í bíl (beint fyrir framan dyrnar) áður en ég klæði mig og ræst bílinn, síðan þegar ég fer út í bíl, þá er hann a.m.k. orðinn ilvolgur (kannski 5-8 mínútur liðnar) - munar ÖLLU þegar það er -7 gráður úti .

Nú langar mig að spyrja - á þetta að fara e-ð illa með vélina, þ.e. að leyfa henni að lulla örlítið áður en tekið er af stað, leyfa henni rétt að vakna og hitna áður. Ég hef nefnilega heyrt e-rstaðar að bíllinn nái ekki eðlilegum olíuþrýstingi eða e-ð álíka.

Spurning um að láta fylgja með hvernig bíl þú ert að tala um eða hvernig vél er í honum.

_________________
Enginn bíll!

Handbækurnar segja að aka eigi strax af stað en hvort umhverfissjónarmið ráði þar veit ég eigi.

_________________
C32 AMG Carlsson
Toyota Land Cruiser 80
Subaru Impreza GX - beater!

Hef heyrt að það fari amk illa með m20 að láta hana ganga lausagang lengi, en hvort það er rétt veit ég ekki

_________________
BMW E46 318i Touring

Eftir því sem ég best veit er hægagangur aldrei góður fyrir bílvél. Sama hvort hún er heit eða köld!

_________________
2003 BMW 530i - Titan Grey Metallic
2011 Porsche Cayenne Diesel - Meteor Grey Metallic

ég las bara á netinu að það væri mælt með því á E30 325i

að láta hann ganga í 3-5 mín ef frost er og keyra hann svo aldei snúa vélinni svo yfir 3000 þanga til bílinn er orðinn heitur


svona ætti mótorinn að endast best ef mikið er um kaldræsingar

en ég veit ekkert hvort þetta sé heilagt

en veit að þetta með snúninginn er rétt

_________________
Þórður Finnbogi
GSM:663-2524

BMW M5 E39 1999 veðlaus
BMW 316i E36 1999 kraftlaus

Gæti ekki verið meira rangt,
maður á að setja í gang og keyra beint af stað, rólega,
þegar maður startar við mikinn kulda þá á bensínið bágt með að mixast við loftið og þá þarf enn meira bensín bara til að halda vélinni á lífi,
að halda bílnum á ferð og snúning(cirka 3000rpm) þá allaveganna sparar maður sé smá bensín, og hitar vélina nógu hratt,
ef hann er lengi að hitna þá er líklega stífur vatnslás sem ætti að skipta um strax.

_________________
With great challenges comes great engineering.
Gunnar Reynisson

Ég er nú bara í smá millibilsástandi - gömul Mözdu tík sem ég skjökti á. En ég hef átt þónokkra bíla og var að spá almennt í þessa hluti.

En maður veit að það er heldur ekki beint ,,gott" fyrir vélina að ræsa hana í -7 stiga gaddi og bruna beint af stað (en að sjálfsögðu passar maður snúninginn) og síðan hefur maður heyrt tvennar sögur hvernig það fer með vélina að leyfa henni að vakna í nokkrar mínútur áður.

Hvort að bíllinn eyði e-jum ósköpum í lausagangi kaldur skiptir held ég bara ekki nokkru máli - við vitum það allir að lítrarnir leka svoleiðis út um pústið fyrsta kílómeterinn í gaddi....aðalmálið hvort fari betur með líffærin í bílnum

Best væri náttúrulega að geyma bílinn í upphitaðri geymslu á veturna - en þar sem við búum jú hérna - þá sýnist mér maður þurfa að velja eitt af tvennu illu

Það á að keyra vélina af stað, þannig er það bara.

því að með að láta hana sitja þá hitnar hún enn lengur og það í raun fer verr með hana,.

_________________
With great challenges comes great engineering.
Gunnar Reynisson

það eru nú skiptar skoðanir um þetta, margir sem halda því fram að það sé gott fyrir hana að leyfa henni ða ná upp almennilegum olíuþrýstingin áður en maðurfer að keyra,

annars skiptir þetta mig littlu, miðstöðin er dauð, keyri bara um með sætishitarann á on ON ON!

_________________
M.benz E320 Family Wagon
Chevrolet Silverado vinnujálkur
Chevrolet Silverado skúrajálkur
Cadillac eldorado 1973, ísbíll

olíuþrýstingur er kominn upp rétt eftir að vélin fer í gang, og er betri á smá snúning,

Annars nota menn olíu hitara í norður evrópu með timer, þá er olían orðin heit og góð þegar maður setur í gang, enn það er líka í -20-25°C kulda

_________________
With great challenges comes great engineering.
Gunnar Reynisson

Já eru ekki flest allir í t.d. norðurhluta noregs með hitara? Pabbi var á ferðinni þar fyrir einhverjum árum og mér heyrðist á honum að það væru allir bílar annað hvort með lítinn bensínmótor í húddinu sem heldur vélinni heitri eða þá rafmagnssnúru úr húddinu og inn í hús

Jú það var akkúrat svoleiðis,

_________________
With great challenges comes great engineering.
Gunnar Reynisson

Það er alveg á tandurhreinu að það fer betur með bílvél að aka strax af stað. EN það má alls ekki snúa vélinni mikið á meðan hún er köld. Best að keyra á 2-3000 snúningum fyrstu mínúturnar.

Olíuþrýstingur er mjög hár í kulda, hann er kominn upp um leið og olíuljósið er farið í mælaborðinu.

Til gamans má geta þess að í t.d. E38 þá skiptir bíllinn mun seinna upp í hærri gír þegar vélin er köld. Þetta er prógrammerað svona til að vélin hitni fyrr í kulda. Þetta hlýtur að segja sitt varðandi þetta. Annars er líka nóg að lesa handbók framleiðandans.. þetta stendur skýrt þar.

_________________
Sæmi

E24 645csi, E23 745i E28 M5, E34 525ix, 518g, 525tds, M5T, E53 4.6is,

Heh talandi um að láta bílvélar aldrei ganga lausagang mikið


70% af vélartímanum á Volvo bíl sem ég er að vinna á er lausagangur

_________________

Tesla Model Y