bmwkraftur.is

I'll do my best

En maður þarf að gæta hlutleysis þegar maður skrifar um svona mál og því get ég ekki komið minni skoðun t.d. á framfæri - bara hér auðvitað

Skynsamlegast væri að koma af stað díalóg með þeim sem málið varðar - það mætti t.d. bjóða Einari Magnúsi á Leikdaga og setja hann í bíl hjá einhverjum sem er að prófa sig áfram

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Ég væri til í það,
svo myndi ég henda honum út á littlari ferð og kalla
"það er líka sárt að lenda í slysi á littlum hraða!!!"

_________________
With great challenges comes great engineering.
Gunnar Reynisson

Hahahaha, ég sé það alveg fyrir mér, karlrassgatið rúllandi eftir malbikinu

_________________
Ég bara mátti til.

Smá meira í hraðaumræðuna og takmarkara í bíla -

Ég tel þetta slæma hugmynd vegna eftirfarandi:

Í fyrsta lagi er ég sannfærður um að þetta muni EKKI fækka alvarlegum slysum eða dauðaslysum. Fyrir því eru nokkrar ástæður en sú helsta er vegakerfi landsins sem ræður alveg jafn illa við 140 - eða 120 eins og við 200.

Í öðru lagi þá er hraði mjög afstæður. Það er algjörlega sitthvað að vera á 120 t.d. á Porsche 911 eða álíka góðum bíl, eða á 120 í Yaris eða eld gömlum japönskum budget fólksbíl.

Í þriðja lagi þá eru lög hér í landinu sem banna hraðari akstur en 90 KMH! EF það er ekki nóg, þá er eitthvað annað að!!! Annað hvort er hámarkshraðinn of lágur, VEGIRNIR of lélegir, eða kennslan og þjálfunin EKKI NÓG!

Í fjórða lagi þá er ég sannfærður um að það mun slæva ábyrgðarvitund ökumanna að TAKA FRÁ þeim ábyrgðina á þeim eigin akstri með þessum hætti. Sofandi ökumenn eru stórhættulegir og það verður nóg af þeim ef þetta verður staðreynd.

Í fimmta lagi þá breytir þetta engu um ofsaakstur því það verður ennþá hægt að keyra á 120-140 á svæðum með 30 kílómetra hraða.

Í sjötta lagi þá bendir flest til þess að hinn almenni bílnotandi sé mun færari til að ákvarða hvað er eðlilegur hámarkshraði en yfirvöld. Fólk keyrir almennt á þeim hraða sem það telur öruggan - annað væri bara ekki common sense. Það eru svo 15% ökumanna sem annaðhvort keyra of hægt eða of hratt, þar með talið þeir sem keyra ALLTOF hratt. Það væri hinsvega algerlega og fullkomlega ósanngjarnt að setja hömlur á alla sem BTW keyra ólöglega allan daginn og allsstaðar bara vegna þessara 15% sem keyra of HÆGT eða of HRATT!

Í sjöunda lagi þá hafa lækkanir á hámarkshraða valdið fleiri slysum en hækkanir á honum, meðal annars í BRETLANDI, þar sem stefna í hámarskhraða málum þar hefur beðið algjört strand og í Los Angeles þar sem alvarlegum slysum fjölgaði mikið eftir að hámarskhraði var settur á hraðbrautir þar (safespeed.org)

Í áttunda lagi myndi framkvæmd sem þessi vekja spurningar um mörg önnur mál, meðal annars stóra bróður því þetta væri ekkert annað en persónunjósnir ef fólk velur þetta ekki sjálfviljugt (sem er nákvæmlega EKKERT að) og sömuleiðis vekur þetta spurningar með flest allt annað sem fólk tekur sér fyrir hendur sem veldur því skaða og þar er til að dreifa MUN ALVARLEGRI og MEIRI mannskaða en samanlagt mannfall í umferðinni. Með sömu rökum ætti því að banna feitann og sætann mat, tóbak og áfengi svo eitthvað sé nefnt. Það er ekki nokkur leið að neita þessu og auðvitað yrðu þetta næstu skref.

Í níunda lagi þá myndi þetta seinka öllum áformum, ef ekki loka alfarið fyrir áform um kappakstursbrautir, æfingasvæði og þess háttar - ekki eingöngu vegna peninganna sem þetta mun kosta heldur einnig vegna þeirra STIGMÖTU sem ökumenn fengju á sig.

Í tíunda lagi og alls ekki síst - þá myndi þetta gera ALLA spennandi bíla útlæga úr landinu. Það mætti auðveldlega færa fyrir því rök að þetta væri mismunun og markaðshamlandi, t.d. einfaldlega vegna þess að eins og allir vita þá fer t.d. Toyota Avensis á 180 kmh fram úr Ferrari sem keyrir á 120 kmh - munurinn er bara sá að engum dettur í hug að nota sportbíl sem daily driver ef hann er ekki leiktæki líka. Þetta væri því klár mismunun.

Ég gæti haldið áfram....

Í stuttu máli þá er EKKERT, EKKI EITT EINASTA ATRIÐI SEM MÆLIR MEÐ ÞESSU, ALVEG SAMA þó tvöfalt fleiri hefðu farist í umferðinni.

HINSVEGAR - þá er ekkert nema sjálfsagt að nota búnað af þessu tagi til að koma böndum á þá ökumenn sem ekki láta segjast! Og það sem meira er, þá er það mögulegt í dag og þið getið kynnt ykkur það á heimasíðu ND á Íslandi... www.nd.is

Þessi búnaður hefur hinsvegar EKKERT að gera í bílana hjá okkur hinum - sem keyrum allan daginn, allsstaðar og alltaf ólöglega - en ÖRUGGLEGA!

Þið megið ekki gleyma því að þorri fólks keyrir vel yfir hámarkshraða ALLA daga og allstaðar án þess að af því skapist nokkur hætta!

Heill sé hamstrinum - over and out....

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Bebecar, ég ætla vinsamlegast að biðja þig um að pósta þessu nákvæmlega sama í þráð sem Einar Magnús stofnaði sjálfur og er að lesa og svara í á L2C.

http://www.live2cruize.com/phpBB2/viewt ... sc&start=0

_________________
Tony Montana - BBS LM CREW
E36 M3 Coupe Daytona Violet 18" BBS LM

http://www.e30.is

Raunar leyfa lögin 100km/klst hraða, hefur bara aldrei verið notað

37.gr Umferðalaga segir:

_________________
C32 AMG Carlsson
Toyota Land Cruiser 80
Subaru Impreza GX - beater!

Ég myndi persónulega vilja að allur peningurinn sem færi í þetta Stopp campaign færi í campaign sem myndi kenna slow drivers að DRUSLAST TIL AÐ HANGA Á HÆGRI HELMINGNUM!

Það ætti að getað bjargað nokkrum mannslífum

ég setti þetta inn hjá benz mönnum til að fá viðbrögð.

http://www.stjarna.is/forum/viewtopic.php?t=6951

Og svo sendi ég Einari m þennan póst

From: adler
To: Einar Magnus
Posted: Fri Sep 22, 2006 12:46 am
Subject: umræða krafts manna. Edit message
Ég er alveg búinn að fá nóg af þessu eilífða rugli sem kemur frá þessu blessaða umferðaráði og þarna geturðu lesið, ef þú hefur áhuga hvað mönnum eins og mér finnst um mál sem þetta.
http://www.bmwkraftur.is/spjall/viewtop ... sc&start=0


Ég er að nálgast fertugs aldur og telst þar að leiðandi fullorðinn og ég hef átt nánast alla tíð öflug faratæki en aldrei hef ég orðið fyrir neinum teljandi skakkaföllum sjálfur í umferðini en ég hef að vísu horft á eftir félögum mínum oní jörðina eftir að þeir hafa lent í umferðarslysum,seinast er ég missti einn af mínum vinum þá varð lát hanns þess valdandi að framkvæmdum við þau gatna mót þar sem slysið varð var flítt en hann var ekki sá fyrsti sem lenti í í alvarlegu slysi á þessum stað og því miður þá viðist það vera þannig að hlutir eru ekki lagaðir fyrr en að fjöldi fólks hefur annað hvort stórslasast eða látist,og það virðist vera mæli kvarðinn hjá yfirvöldum gagnvart því hvort og hvernig hlutum er forgangs raðað.
Ég hef mjög svo sterkar skoðanir á svona málum og ég gæti skrifað marga svona pósta um svona mál og hvernig þessi áróðurs vél sem umferðaráð er birtist mér og mínu fólki.

Með kveðju
GS

_________________
gaui1969@gmail.com
e36 coupe 318is. Seldur
e36 convertible 325i
e21 1982 323i
e30 top chop

Sælir "bmwkraftar"! Ég ætla að reyna að svara mörgu því sem ykkur liggur á hjarta en kemst því miður ekki yfir allt. Ég er sammála mörgu sem þið hafið um umferðaröryggi að segja þótt sumt sé byggt á misskilningi sem oft á tíðum er ekkert óeðlilegur. Ég vona að þið verðið ekki orðin ellidauð á enda lestursins.

Mig langar að byrja á að gera grein fyrir mér. Ég heiti Einar Magnús Magnússon og ég er upplýsingafulltrúi Umferðarstofu. Ég hef það starf að kynna fyrir fólki m.a. ýmislegt það sem Umferðarstofa vinnur að til þess m.a. að koma í veg fyrir umferðarslys.

Mér finnst sjálfum mjög gaman að keyra hratt! Ég ók t.d. í sumar kappakstursbíl á „fullt af miklum” hraða á flugvelli sem að var sérstaklega valinn til kappakstursins, með leyfi lögreglu og flugvallayfirvalda og það var hrikalega gaman. Ég var í sumar á mótorhjólaferðalagi á 1000cc hjóli í Sviss og Austurríki og á hraðbrautunum ók ég langt umfram þann hraða sem leyfist hér á landi. Var reyndar á vegum sem leyfa slíkan hraða. Ég lenti reyndar í mótorhjólaslysi fyrir nokkrum árum síðan erlendis og var mjög heppinn að drepa mig ekki eða slasast alvarlega. Ég var á hraðbraut þegar það hvellsprakk á framdekkinu hjá mér og ég var sem betur fer nýbúin að lækka hraðann niður í 90km/klst þar sem ég ætlaði að fara að beygja út af brautinni. Ég rann á malbikinu inn að rassi.

Þegar ég heyrði fyrst talað um hraðatakmarkara þá var ég mjög á móti þeim. Mér fannst að með þessu væri of mikið verið að ráðskast með fólk og þetta væri of mikil forsjáhyggja stjórnvalda. Að BIG BROTHER treysti okkur ökumönnum ekki til neins?

Vegna starfs míns þarf ég að greina frá þessum hugmyndum um hraðatakmarkara og skoðun mín á þeim hefur breyst frá því fyrst. Það gerðist eftir að ég las fjöldann allan af skýrslum um umferðarslys sem verða hér á landi. Hjá Umferðarstofu eru skráð öll umferðarslys sem verða á Íslandi og í þeim skráningum koma fram ástæður slysanna. Hvort þau verða vegna ölvunar, lélegra vega eða einhvers annars. Rannsóknarnefnd umferðarslysa greinir niðurstöður ásamt lögreglu. Því miður liggur það fyrir sem staðreynd, sama hverju við viljum trúa, að 8 mannslíf hafa farið á þessu ári vegna þess að ökumenn hafa ekið á hraða sem að er langt umfram það sem aðstæður leyfa. Á hraða sem á bara heima á kappakstursbrautum. Í tveimur tilfellum var viðkomandi ekki í belti en í öðru þeirra hefði það hvort eð er ekki skipt máli. Tvö tilfelli var ölvunarakstur á mjög miklum hraða.

Ef þessi slys er greind enn frekar þá kemur í ljós að miklar líkur eru á því að það hefði mátt koma í veg fyrir 6 dauðsföll ef viðkomandi hefði ekki komist hraðar en 130 jafnvel sama þótt viðkomandi hafi verið drukkinn. Í þessum 6 tilfellum kemur greinilega fram í rannsóknum að ökumenn missa stjórn á bílnum vegna hraðans. Vitanlega spilar þar inn í hæfni ökumannsins, breidd vegar, önnur umferð og ýmislegt annað sem hefur áhrif en það er allavega ljóst að þeir þættir auka áhættuna til muna vegna þess að það er ekið of hratt miðað við aðstæður.

Þetta er UNDIR OKKUR KOMIÐ hvort svona búnaður verði einhvertíma settur í bíla. Ég vona svo sannarlega að það þurfi ALDREI að setja svona tæki í bílinn hjá mér eða ykkur en ég veit að ef það heldur áfram að vera svona mikill hraðakstur á götunum þá mun það gerast. ÞVÍ MIÐUR! Mælingar sýna að á Esjumelum óku 227 ökumenn yfir 150 í ágúst. Af þeim voru 67 yfir 190 km hraða. Á Vesturlandsvegi ofan Ártúnsbrekku óku 240 á yfir 150 km hraða – þar af 38 á 180, 34 á 190 og 16 á 200 km hraða. Við þessar aðstæður gat verið einhver saklaus vegfarandi á ferð sem að er ekki eins klár að keyra og sá sem ók svona hratt! Sá hefði getað lent í slysi vegna þess að hann kunni ekki að bregðast við bíl eða mótorhjóli sem kom á 150+ km hraða. Við erum ekki ein í umferðinni!

Það er ekki rétt sem Benni var að segja að þetta væri tæknilega óframkvæmanlegt og að þetta myndi kosta 10 – 20 milljarða. Það er verið að prófa þetta víða um heim og þessi kostnaðartala er alger skáldskapur enda liggur það hvergi fyrir hvað þetta muni kosta. Það getur alveg eins verið að þetta kosti eina milljón! Það stendur til að markaðssetja þennan búnað á næstu tveimur árum í t.d. Ástralíu. Í Evrópu er verið að skoða það að þetta verði sett sem staðalbúnaður í bíla líkt og loftpúðar, öryggisbelti og ABS bremsur enn slíkur búnaður var fyrstu árin mjög dýr en er núna sjálfsagður og ódýr. Ef þetta verður sett sem staðalbúnaður í bíla þá finnst mér að það þurfi að ganga einhverveginn þannig frá málum að hægt sé að taka hann úr sambandi undir eftirliti þegar farið er í kappakstur á til þess gerðum brautum. Ég ætla ekki að hafa áhyggjur af því fyrirfram að það muni ekki verða hægt.

Umferðarstofa hefur ítrekað opinberlega hvatt sveitarfélög til að byggja upp akstursíþróttasvæði ekki síður en uppbyggingu fótboltavalla eða sundlauga sem þeim er skylt að sjá um. Ég er þeirrar skoðunar að sveitarfélögum sé líka skylt að þjóna þessari „göfugu íþrótt”. Við megum ekki vera búin að drepa okkur eða örkumla áður en þessi aðstaða verður komin í gagnið.

Það er alveg rétt sem komið hefur fram í umræðunni að það er hægt að gera margt annað en þetta. Ég veit að þið mynduð ekki nenna að lesa það ef ég segði hér frá öllu sem verið er að gera og er fyrirhugað að gera en hér eru samt nokkur dæmi:

* Stjórnvöld eru að endurskoða sektir og viðurlög og ætla m.a. að herða á því þegar menn eru að brjóta af sér aftur og aftur.

* Umferðarstofa hefur verið að fjármagna kaup á tækjabúnaði sem gerir lögreglu kleift að hafa miklu meira eftirlit með ölvunarakstri.

* Umferðarstofa fjármagnar gæðarannsóknir á vegakerfinu samkvæmt alþjóðlegum stöðlum EuroRap (sem Max Mosley gömul kappaksturshetja á m.a. heiðurinn af) og í síðasta mánuði var skilað skýrslu til Vegagerðarinnar um það sem þarf að laga til að auka öryggi vegfarenda í nágrenni höfuðborgarinnar.

* Í samstarfi við Fíb er verið að vinna að úttekt á nánast öllu vegakerfinu.

* Það er verið að leggja 156 milljónir í það að koma í veg fyrir að við eigum það á hættu að rolla eða annar búfénaður faðmi grillið á bílunum okkar.

* Það er verið að hraða endurbótum á vegakerfinu þar sem umferðin er mest og slysin flest þ.e. í nágrenni höfuðborgarinnar.

* Þetta er brot af því sem verið er að gera og það er rétt það má gera margt fleira!

Með því að laga vegina má fækka slysum sem nemur tugum prósenta og ég er viss um að það sé árangursríkasta leiðin til fækkunar slysa. Ég vona svo sannarlega að það verði sem allra fyrst búið að laga vegina þannig að þeir veiti sem mest öryggi þeim umferðarþunga og hraða sem um þá fer. Það breytir hinsvegar ekki því að það munu alltaf vera einhver fjöldi manna sem getur ekki haldið aftur af sér og beðið þess að komast á kappakstursbraut og fer langt umfram þann hraða sem aðstæður leyfa.

Alvarlegum umferðarslysum hefur stórfækkað á undanförnum árum þrátt fyrir aukna umferð. Samt verða allt of mörg slys vegna þess að við erum að leika okkur þar sem við eigum ekki að vera að því!!!!!

Ég ítreka það bara að það er undir okkur ökumönnum (okkur sem finnst gaman að keyra hratt) komið hvort þessi hraðatakmörkunargræja verður nokkurn tíma tekinn í notkun hér á landi. Ef við höldum okkur við kappakstur á sérstökum brautum þá efast ég um að þetta verði tekið upp enda EKKI SJÁANLEG ÁSTÆÐA TIL ÞESS!. Ég skil hinsvegar hversvegna menn velta þessu fyrir sér þegar ljóst er að þessi búnaður getur komið í veg fyrir að við drepum sjálf okkar og aðra í umferðinni með kappakstri þar sem hann á ekki að vera.

Höldum samt áfram að leika okkur – safe!

Það er því miður samt ekki hægt að horfa á þessa hraðatakmarkara sem endanlega lausn. Þetta er að sjálfsögðu skerðing á persónufrelsi og ef þetta yrði leyft hvar myndi þetta enda? Hví ekki að banna byssur/reykningar/hraðbáta/fjórhjól/mótorhjól og hvað eina vegna þess að það getur drepið þig og aðra ef þú ert á miklum hraða.

Ég skil auðvitað pælinguna á bakvið þetta en ég verð bara að segja að ég myndi aldrei sætta mig við svona takmarkara. Þannig er það nú bara, ég keyri ekki mjög hratt að eðlisfari, en engan veginn hægt samt.

Eins og marg oft er búið að koma fram er þetta samt auðvitað ákveðið vandamál, hvort það sé meira hér á fróni eða annars staðar í Evrópu veit ég ekki. Það er auðvitað aldrei hægt að koma alveg í veg fyrir árekstra svo lengi sem mannshöndin heldur í endann á stýrinu. Þannig er það bara og verður sjálfsagt í mörg mörg mörg ár í viðbót.

En það er auðvitað ýmislegt sem hægt er að gera til að auka öryggi vegfarenda og annara sem eru í umferð.

Þar á meðal eins og hefur komið fram áður er að laga þessa gatnagerð hjá okkur, bæði inn í bæjum og út á landi.

Aksturskennslu þarf að skipuleggja gersamlega upp á nýtt, henda gamla kerfinu og þróa algjörlega nýtt kerfi. Hvort sem aldurinn sem fólkið byrjar að læra að keyra breytist hef ég nú enga skoðun.

Það þarf æfingarsvæði fyrir þessa ungu nemendur, sem kennir þeim betur hvernig á að hegða sér þegar reynir á. (hálka / fljóta í vatni í förum/ nauðhemla/ springur dekk eða slíkt annað)

Mér finnst heldur ekki réttlátt að skammast endilega út í Umferðarstofu með þetta þar sem þeir eru auðvitað bara að fikra sig áfram með lausnir á vandamálunum. Það hefur engin ákvörðun verið tekin með þessa hraðamælatakmarkara og þangað til það gerist getum við nú alveg andað með nefinu.

Mér persónulega finnst samt menn vera líta svolítið á ranga hlið á málinu, mér finnst ölvunarakstur vera eitthvað sem bæði lögreglan og umferðastofa líta of mikið framhjá miðað við hraðakstur. Ég er ekki að reyna að réttlæta hraðakstur, engan veginn!. EN, ölvaður ökumaður á of miklum hraða er svo mikið meiri hætta við umferðina heldur ella.

Og núna spyr ég þig Einar, hversu margir hafa dáið í umferðinni eða drepið af völdum áfengis eða annara vímuefna. Núna er búið að sanna að drengurinn sem klessti á vegginn á Akureyri var undir áhrifum vímuefna. (tek bara sem dæmi þar sem það var bæði ofsaakstur og ölvunarakstur)

Annað sem mér finnst afskaplega óþægilegt varðandi íslenska umferðarmenningu og það sem verður að gera bót á. Það er vanþekking íslenskra ökumanna. Mikið er um að slys skapist vegna pirrings. Til dæmis þegar einhvert asnaprikið (í flestum tilfellum gamalt fólk / kvennmenn eða aðrir apakettir) hanga á vinstri akrein á segjum miklubrautinni á 60 og menn verða alveg trítilbilaðir að komast ekki fram úr. Hver kannast ekki við það? . Það er alveg hugmynd að fólk sé skyldað að fara í umferðarskóla á jafnvel 20 ára fresti bara til að fríska upp á minnið af því að ég þekki það bara sjálfur af minni fjölskyldu að margir í henni kunna bara einfaldlega ekki að hegða sér í umferðinni. Gefa ekki stefnuljós, kunna ekki að bakka, skipta um akrein og annað eins og mönnum er sæmandi.

Eins líka með vöruflutningabílana, þeir eru stórhættulegir út á landi. Ég ætla ekki að fara koma með einhverjar dæmisögu því hana höfum við sjálfsagt öll. En oftar en ekki er ég vitni af þessum mönnum keyra langt yfir velsæmismörkum og stofna bæði mér og öðrum í hættu með glannalegum framúrtökum.

Bara mínar hugmyndir, vonandi hef ég ekki sært neinar tilfinningar...

_________________

BMW E30 328i Coupe

Sæll Gunnar. Ég get tekið undir flest það (nánast allt) sem þú segir hér á undan. Þetta er fullkomlega réttmæt gagnrýni varðandi ökukennsluna en ég get glatt ykkur með því að samgönguráðherra og ökukennarafélag Íslands eru búin að undirrita samning um uppbyggingu aksturskennslusvæðis rétt hjá Akranesi (kallað akstursgerði). Á slíku svæði verður hægt að kynnast öllum mögulegum aðstæðum í akstri. Það er verið að vinna að undirbúningi þess núna. Það er fyrirsjáanlegt að þau verði fleiri og því fyrr því betra!!!!!

Þegar ég tók bílpróf þá var ég látin taka tvo tíma í akstri áður en ég fór síðan í próf. Þetta var algerlega fáránlegt en sem betur fer hefur þetta breyst. (þetta er kannski skýringin á því af hverju ég er svona lélegur bílstjóri )

Umferðarstofa setti fyrir u.þ.b. einu og hálfu ári síðan af stað mikið átak í umferðarfræðsli í grunnskólum. Opnaður var vefurinn www.umferd.is en hann er notaður í þessari kennslu fyrir bæði nemendur, kennara og foreldra. Samkvæmt þessu átaki er umferðarfræðslunni komið líka inn í fleiri fög eins og t.d. eðlisfræði þar sem fjallað er um hvaða kraftar losna úr læðingi við árekstur á tilteknum hraða og hvaða áhrif höggþunginn geti haft á mannslíkamann.



Á þessu ári hefur (miðað við fyrirliggjandi skýrslur) dregið úr banaslysum af völdum ölvunar í samanburði við t.d. í fyrra sem var hrikalegt ár hvað þetta varðar. Þá mátti rekja 6 banaslys af 16 til ölvunaraksturs. Á undanförnum árum hefur verið sett heilmikið fjármagn og vinna í það að uppræta ölvunarakstur. Það er búið að kaupa nokkur eintök af öndunarsýnamælum fyrir lögregluna svo þeir geti gert athuganir á ökumönnum mun auðveldar og skjótar en áður. Fá jafnframt miklu pottþéttari niðurstöður úr þeim athugunum. Það þarf að mínu mati að stórauka löggæslu líka til þess að fylgja eftir þessu ölvunar- og vímuefnaeftirlit. Nú er lögreglan einnig komin með útbúnað til að greina hvort ökumaður sé undir áhrifum flestra þekktra fíkniefna.

Þetta með vörubílana er stórt vandamál sem ég hef því miður ekki skjóta lausn á. Vildi óska þess að þegar ég vakna í fyrramálið að þá séu komnar fjórar akreinar hringinn í kringum landið.

í fyrsta lagi losnum við aldrei við svörtu sauðina í umferðinni þar sem margir eru kjánar að eðlisfari þroskaleysi og eitthvað slíkt en svo eru það vímuefnin
mér finnst þau spila mikið inn í þetta ég þekki til nokkra sauða sem keyra eins og vitleysingar í alla staði ekki beint hraðakstur heldur bara hreint og beint eins og kjánar vegna vímuefna neyslu.

áfengið/önnur ólögleg vímuefni, það þarf einnig að taka á því
en slysin gerast hvort sem er í umferðinni eður ei.

hraðatakmarkanir eru engan veginn endanleg lausn á málinu langt því frá

í öðru lagi hvað ætli það séu mörg banaslys i heildina af völdum hraðaaksturs í gegnum árin á móti ölvun,mannlegum mistökum svo sem þreytu, vanþekkingu,dómsgreind eins og hún er nú misjöfn hjá okkur öllum mér finnst þetta bara verið að einblína hér á hraðaakstur að hann sé bara djöfullinn í þessu öllu saman

Önnur ástæða þess að pólitíkusar velja heimskulegri lausnina af tveimur er þegar slá má tvær flugur í einu höggi, kaupa sér stundarfrið, eftir að hafa verið gripnir með allt á hælunum, og bregðast þá við með pólitískum sjónhverfingum; sýndarlausn sem engu skilar nema auknum tekjum til ríkissjóðs. Dæmi um pólitíska lausn af því tagi eru væntanleg viðbrögð núverandi samgönguráðherra við of miklum hraða og ofsaakstri, sem hefur aukist jafnt og þétt undanfarin ár. Allt sæmilega skyni borið fólk veit að eina raunhæfa lausnin er, eins og yfirmenn lögreglunnar hafa margoft fært rök fyrir, að efla löggæslu og umferðareftirlit. Ráðherrann veit það hins vegar að sú lausn kallar á aukin útgjöld og gerir meiri kröfur til stjórnsýslunnar - sem hún ræður illa við (allir lægst launuðu sérfræðingar þjóðarinnar starfa hjá hinu opinbera). Þess vegna ætlar hann, að eigin sögn, að ráðast gegn vandanum með því að hækka sektir við hraðakstri - þrátt fyrir að reynslan sýni að það skilar litlum eða engum árangri í samanburði við aukna og eðlilega löggæslu. Heimskan vinnur alltaf - því heimskasta lausnin er, ekki einungis sú hagstæðasta, heldur jafnframt sú auðveldasta í pólitískri framkvæmd.

Ofsaakstur og almennur glannaskapur í umferðinni hefur aukið slysahættu stórlega. Ófullkomið vegakerfi, jafnvel með ónýta þjóðvegi eykur slysahættu enn meir. Ástandið í umferðinni er engum öðrum að kenna en pólitíkusum. Þeir bera ábyrgð á því að kerfisbundið hefur verið dregið úr eðlilegri fjármögnun löggæslunnar í landinu - þeir hafa ekki sinnt þeirri skyldu sinni að veita fé til eðlilegs umferðareftirlits, sem svo hefur valdið síendurteknum árlegum niðurskurði á eðlilegu rekstrarfé lögregluembætta. Nú blasa afleiðingarnar við sem aldrei fyrr. Stjórnmálamenn geta ekki lengur kjaftað sig frá vandanum - þar að auki hafa þeir varið stórum hluta af sérstakri skattlagningu á eldsneyti, sem samkvæmt lögum á að verja að öllu leyti til samgöngumála, í önnur og óskyld verkefni, þrátt fyrir að lög um þessa skattstofna séu ótvíræð: Og vegakerfið hefur dagað uppi.


Tekið af http://www.leoemm.com/pistlar.htm

_________________
gaui1969@gmail.com
e36 coupe 318is. Seldur
e36 convertible 325i
e21 1982 323i
e30 top chop

Glæsilegt hjá Einari Magnúsi að svara hér á kraftinum

Eins og sést þá er mönnum heitt í hamsi - mér líka - enda mikið í húfi.

Ég spyr því. Afhverju er verið að velta því fyrir sér að setja þennan búnað í ALLA bíla ef hægt er að tækla hraðaböðlana prívat með samskonar búnaði (t.d. frá ND á Íslandi) og lagasetningu? Það mætti t.d. setja menn á skilorð hreinlega, mislengi eftir alvarleika brotsins.

Og hvað segir það okkur ef 467 ökumenn óku á meira en 150 kmh við Esjumela og á Vesturlandsvegi (bara í ÁGÚST!!!)... og það án óhappa? Ég tel líklegt að flestir þeirra hafi kannski gefið í þegar enginn bíll var í augsýn. Líklegast eru þetta sömu mennirnir og velta örygginu aðeins fyrir sér og myndu fara á braut til að keyra hratt ef hún væri til staðar.

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

þetta alveg rétt hjá adler hefði ekki getað orðað þetta betur.