Thrullerinn wrote:
bebecar wrote:
...
Fyrst og fremst þá er líklegt að eina leiðin til að losna undan Icesave sé sú að greiða til jafns úr ábyrgðarsjóði innistæða til breskra, hollenskra og íslenskra reikningseigenda. Það er í sjálfu sér mjög eðlileg krafa en kæmi sér afar illa fyrir þá Íslendinga sem minnst bera ábyrgð á ástandinu - fólkið sem hefur sparað undanfarin ár, aldraðir foreldrar og annað skynsamt fólk sem man tímana tvenna. Þetta myndi þýða að ekki verður staðið við innistæðutryggingar á Íslandi, nema upp að því marki sem hægt er að greiða jafnt út til allra sem eiga innistæður (innanlands sem utanlands). Um er að ræða líklega milljón manns og það ætti að vera hægt að reikna út hvað hver fengi svona sirka. Ef þetta er raunin þá liggur beint við að gera upptækar allar eignir þeirra sem komu að þessum fyrirtækjum sem nú eru gjaldþrota því þar með væri eignaupptakan orðin almenn og yrði að ganga jafnt yfir alla. Sú upptaka yrði svo notuð til að auka útborganir á innistæðum eða að innistæður myndu bara greiðast að hluta (eins og lög kveða á um) en upptakan yrði gefin út sem hlutabréf í uppteknu eignunum í réttu hlutfalli við tapaðar eignir íslendinga eingöngu (þetta ætti að vera fært en þessi leið var farinn einhversstaðar - man ekki hvar).
...
Ingvar, frábær póstur vægast sagt!
Var að spá hvernig hver hugmyndin er bakvið allir? eru þetta starfsmenn
fyrirtækjanna sem komu okkur í þessi vandræði ásamt viðskiptavinum?
Er þessi lausn ekki úr myndinni núna, hafandi það bakvið eyrað að nú eru
vinir okkur búnir að lána okkur 800 m punda til þess að greiða innistæðu-
eigindum sem þeir ætla síðan að rukka okkur um. En skv. reglum þá
eigum við ekki að ábyrgjast innistæðurnar, þeim er ekki stætt á því.
Eru dæmi um þetta í iðnvæddu ríki?
Eigna upptaka allra gæti orðið ansi víðtæk. Það gæti innifalið fólk sem hefur átt almenn innlán, peningabréf, lífeyrissjóðssréttindi eða náð í raun yfir alla peninga í hagkerfinu. Það er svo misjafnt hve langt þarf að ganga. Það væri jafnvel hægt að afskrifa þá alla fyrst svona er komið og byrja nýtt hagkerfi sem nýtir bara aðra gjaldmiðla eins og Kosovo t.d. (en þetta er sko heldur betur drastískt!!!)
Aðal atriðið er samt að okkur er ekki stætt á því að vernda innistæður Íslendinga að fullu en útlendinga að minna leiti. Þetta snýst því um að borga Icesave tilbaka að fullu, eða draga til baka ábyrgðirnar á íslenskum reikningum og borga svo öllum út jafnt, líka þeim sem áttu í Icesave og þetta þýðir að fólk heima myndi ekki fá nema einhverja hundrað þúsund kalla fyrir inneignirnar sínar.
Heima við, eftir þetta mætti svo fara í sérstakar aðgerðir til að vinna á þessu óréttlæti og yrði þá eignaupptaka þeirra sem stofnuðu til þessara skulda það mikilvægasta. En jafnvel mætti gera upptæk öll auðæfi yfir ákveðnu marki. Þeim mætti svo dreifa á milli þeirra sem töpuðu inneignum lífeyrissjóðum o.s.frv. með einskonar hlutabréfum í hlutfalli við tapaðar eignir, t.d. í þeim eignum sem eru yfirteknar af ríkinu, fólkið myndi þá í raun eiga hlutabréf beint í því sem eftir er.
Þetta er mjög sósíalísk aðgerð auðvitað. En "desperate times call for desperate measures!" Þetta er kallað expropriation, en það eru til fleiri tæknilegar útfærslur á þessu eins og eminent domain en þar fást bætur fyrir það sem er tekið (ríkið þvingar þig til að selja).
Þetta hefur verið gert á mismunandi stigum víða. Kannski einfaldast að nefna Hugo Chávez og Evo Morales sem líklega eru aðal kallarnir í þessu.
Þetta eru svakalegar ráðstafanir en geta þegar allt fer á versta veg verið nauðsynlegar. Þetta snýst um hvort að við þrælbindum okkur til þess að borga erlendum lánadrottnum eða segjum nei, nóg komið, þeir verða að bera ábyrgðina á því að hafa lánað kæruleysislega og við munum ekki láta það viðgangast að láta hneppa okkur í ánauð.
Þetta er svo líklega til marks um breytta tíma að láta sér detta svona í hug - maður er nú einu sinni frekar frjálslyndur og hefur alltaf verið hægra megin við miðjuna
Mér finnst þetta ekki snúast um hægri og vinstri hinsvegar eða flokkadrætti. Þetta snýst um réttlæti.
Kannski hjálpar þessi útskýring...
http://en.wikipedia.org/wiki/Expropriation
Þessi ræða Davíðs er líka áhugaverð...
http://t24.is/adgerd.php?adgerd=greinar_vidhengi_download&id=43&ending=.pdf
Login
Register
FAQ
Search
