Varðandi Skrif Gunna 3 Feb.
Að setja auka sett af spíssum er ágætis aðferð og sennilega best með tilliti til endingar og nýtni.
En það er frekar dýrt að fara þá leið, því þú þarft að kaupa 6 nýja spíssa og tengja! Nema þú ætlir að notast við 1-2 aukaspíssa, eða jafnvel kaldræsi spíssinn sem sumir hafa gert. En þá ertu náttúrulega ekki að fá eins góða dreifingu.
Ég er alveg sammála með bensínþrýstinginn. Þessvegna keypti ég t.d. vírofnar bensínleiðslur hjá mér.
En varðandi eyðsluna. Hmmm... ég er nú ekki alveg sáttur þar. Að segja að túrbo bíllinn eyði meira undir engu boosti er ekki alveg að segja allt. Að sjálfsögðu eyðir turbo bíllinn þegar hann er á engu boosti meira en ef hann væri með góðum venjulegum pústgreinum (hvað þá flækjum).
En það er bara brot af því sem SC bíll væri að eyða miðað við "stock" bíl. Þannig að það sem ég meinti var:
Turbo bíll á engu boosti er að eyða meira en sami "stock" bíll, en það er minni munur en við bærum saman bíl með SC og "stock" bíl.
Ég man ekki eftir að hafa séð SC "application" á bíl þar sem er notast við kúplingar til að aftengja hann undir "no load condition". Ég man eftir að hafa séð einhversttaðar dæmi um SC sem er kúplað inn á flugvélamótorum, en ekki á bíl. Hefurðu séð svona á einhverjum bíl? Endilega benda mér á það því maður vill alltaf fræðast um svona hluti. Ég er ekki alveg að skilja hvernig kerfið virkar upp á praktíkina að gera.
Quote:
En 2,8 bílinn er með Double vanos og er með léttari vélahluti og drivertrain, þannig sparast bensín gegn 3,6-3,8vél þótt að 2,8 væri turbo eða SC,
Ókei... Að sjálfsögðu ertu að fá minni eyðslu með léttari bíl og 2.8 vél í BLÖNDUÐUM akstri, bæði varðandi Turbo og SC. En munurinn verður miklu minni en á "stock" bíl með sömu vélastærðum. En ef þú ert að NOTA þessi auka hestöfl sem þú hefur möguleika á, þ.e. keyrir venjulegan M5 og 2.8L SC/Turbo bíl nokkra hringi á Nurburgring, þá hugsa ég að eyðslan yrði nú svipuð...
Og léttari vélarhluti já, en þú "þyngir" vélina (vélin verður ekki eins létt í vinnslu) með SC og Turbo! Þannig verður til meiri eyðsla ...
Og það er ekki að ástæðulausu sem "drivetrain-ið" er léttara. Og það er það sem ég er að meina með að þú þarft að breyta bílnum:
Það er ekki nóg að taka bara bremsukerfið. Það sem ég sagði var T.D. bremsukerfið. Bremsukerfið já kannski 10kg.
SVO:
SC/Turbo kerfið sjálft. Hvað ætli það sé, 20-30kg (turbo/SC, wastegate, reimar osfrvs)? spíssar, tölvan, fpr 2.8 og hitt og þetta smádót.
Og þar sem þessi 2.8 Turbo/SC bíll er með þetta léttara "drivetrain" þarf oft að skipa því út! Ný skipting og drif (stærri og þyngri) !
Fyrir utan bara dót sem ekki er þyngra en þarf oft að skipta um. Stýrisdót og fjöðrun ofl sem er til staðar í M5 bílnum.
Ég er kannski kominn í marga hringi...
Ég er ekki að reyna að starta einhverju stríði, ég er bara að benda á, að það að fara SC/Turbo leiðina er oftast önnur leið til að nálgast sama hlutinn. Það er ekki hægt að fá allt fyrir ekki neitt. Ef þú vilt setja SC/Turbo á bílinn þinn, þá ertu að fara sama veg og Motorsport deildin er að fara. Þú ert bara ekki á sama farartæki. En endanleg niðurstaða verður svipuð. Ef þú vilt meira afl, þá verður bensíneyðslan meiri. Þetta meira afl kallar á öflugri "drivetrain". Öflugra "drivetrain" kallar á öflugri fjöðrun og stýrisgang. Og allt þetta kallar á betri bremsur.
Þannig að það að borga 30-40% meira fyrir M5 vs 528i/530i/540i eða hvað sem menn eru að spá í, er ekki bara fyrir þessi auka hestöfl. Það er svo margt margt margt annað sem þarf að reikna inn í dæmið. Að sjálfsögðu er það kúl tilhugsun að vera kominn með 40-60% meira afl undir húddið í bílinn sinn. En trúið mér, að þegar þið eruð komnir með þetta undir húddið, þá eruð þið búnir að sjá að dugar ekki bara eitt og sér.
Þá eruð þið fastir í vítahring bíladellumannsins! Þá þarf sterkari gírkassa, svo þarf stífarið fjöðrun osfrv. Og eftir þessi 2-3 ár sem þetta tók ykkur allar helgar og öll kvöld í spekúleringum og undirbíls-skríðingum (ég þorði ekki annað en að setja bandstrik þarna til að fyrirbyggja misskilning) þá eigið þið eftir að óska þess að þið hefðuð aldrei farið út þetta. Heldur bara selt gripinn original og pungað út fyrir einum M5 til að byrja með.
Sparað á því bönch af klinki, gráum hárum og rifrildum við betri helminginn.
En þetta er samt gaman... eftirá
Sæmi