Góðan daginn spjallverjar,
Ég keypti mér minn fyrsta BMW í fyrradag af gerðinni BMW 520I E39 1999 árg.
Fyrri eigandi sagði mér að hann gangi truntulega og stundum drepur á sér þegar hann er kaldur. En þegar hann er heitur þá er allt í góðu nema ABS ljósið logar og spólvörnin ASC minnir mig.
Í morgun þegar ég ætla í vinnuna tek ég eftir að ljósin eru farinn og eftir smá stund var hann farinn að ganga illa og drap svo á sér, ég einfaldlega kveikti á honum aftur og hélt honum í 1500 sn svo hann drepi ekki á sér aftur en mótorinn var með einhver leiðinda hljóð eins og það væri að kæfa hann.
Ég legg af stað í vinnuna og prófa að athuga hvort ABS-ið virkaði víst ABS ljósið var ekki á, það virkaði mjög vel. Alla leiðina í vinnuna titraði hann óvenjulega mikið í inngjöf en hætti um leið og ég sleppti inngjöfinni auk þess sem hann var óvenjulega kraftlaus. Ferðin var frá hafnarfirði uppá höfða og alla leiðina hegðaði bíllinn sér svona, svo þegar ég kem í vinnuna drep ég á bílnum, hef hann þannig í smá stund meðan ég skoða bókina um bílinn en hún er á þýsku svo ég skildi ekki neitt. Þegar ég kveiki aftur á honum þá er allt komið í lag, bíllinn heldur lausagangi og fær kraftinn aftur. En ASC og ABS ljósið logar.
Er einhver sem kannast við svona bilnun?
Með fyrir fram þakkir Sveinn
