Ég er loksins farinn að vinna að því að koma 535iA E34 (M30B35 vél) bimmanum í götuhæft ástand.
Fyrir þá sem ekki vita þá brotnuðu tveir rocker armar hjá mér fyrir nokkuð löngum tíma síðan og bíllinn er búinn að vera ónothæfur auðsjáanlega síðan þá.
Allavega, þetta er auðvitað eitthvað sem mig langar ekkert að gerist aftur, semsagt að það brotni rocker armur því til að skipta um rocker arm í M30 heddi þarf að taka heddið af, taka knastásinn í burtu og svo nærðu öxlunum sem rocker armarnir er á úr og þannig nærðu að skipta, semsagt dálítið vesen og kosnaðarsamt.
Þannig að ég pantaði mér svona Rocker Arm Locks sett. Þetta á að koma í staðin fyrir orginal gormana sem halda rocker örmunum. (sjá myndir fyrir neðan)
Málið er að ég fékk engar leiðbeiningar með, og var kannski ekkert að æsa mig yfir þessu því þetta sýndist dálítið straight forward, en núna þegar loksins á að fara setja þetta í þá koma allskonar spurning upp í kollinn eins og:
* Þarf að passa sig á einhverju sérstaklega þegar þetta er sett í heddið?
* Hversu fast eiga skrúfurnar í þessum klemmulásunum að vera?
* Á ekki örugglega hliðin með rákinni að vera upp að rocker arminum?
* Þarf að passa uppá að þetta sé eitthvað sérstaklega þétt upp að rocker arminum?
* Þarfnast þetta einhvers viðhalds, eins og t.d. þarf að herða á skrúfunum í þessu með einhverju millibili, t.d. 10.000, 20.000 km fresti eða álíka?
* Er eitthvað annað sem þarf að hafa í huga?
Veit alveg að menn eru yfirleitt ekki að setja þetta í fyrr en þeir eru farnir að turbovæða eitthvað sæmilega og það er ekkert svoleiðis í gangi hjá mér núna.
Eina sem er kannski "í gangi" hjá mér er að ég ætla að skipta um pústið, það fer bara venjulegur endakútur í hann en miðjukútur og hvarfakútur verða teknir úr. Svo á ég tölvukubb sem á að gefa mér nokkur hross, það er allt of sumt. Fyrir utan svo að ég ætla láta skipta um olíu á sjálfskiptu og drifi, ný tímakeðja og allar reimar nýjar og fleyra í þeim dúr.
Þannig að ef einhver hefur einhverja reynslu af því að nota þetta, þekkir eitthvað inn á þetta eða veit e-mail hjá einhverjum erlendir eða jafnvel hérlendis, þigg allar upplýsingar.
Ég er þegar búinn að senda þeim sem ég keypti settið af e-mail og fleiri aðilum sem eru með þetta í sölu en gerði það bara á fimmtudaginn var þannig ég er ekki búinn að fá neitt svar ennþá. Var nefnilega að vonast eftir því að geta farið með heddið í viðgerð helst í næstu viku.
Ég er búinn að vera leita á netinu en finn ekkert nema síður sem selja þetta eða bara tala um þetta, vantar installation manual.
Notabene, ég tók ekki þessar myndir, stal þeim af netinu.
Tvær efri myndirnar sýna þessar læsingarklemmur og hvernig þetta á að vera í heddinu.
Á miðmyndina vantar olíubarinn og plöturnar sem halda henni.
Neðsta myndin sýnir bara venjulegt M30 hedd með orginal gormum í.
Login
Register
FAQ
Search
