Sælir félagar
Ég var aðeins að dunda í bílnum um helgina og varð var við eitt vandamál. Loftinntakið og soggreinin voru löðrandi í olíu. Bíllinn gengur ekki hægaganginn almennilega. Ég þreif upp hægagangsventilinn og hreinsaði olíuna úr öllum slöngum en það breytti engu. En ég tók eftir að slanga sem fer að bremsukútnum leggst saman, sem varla getur verið eðlilegt.
Svo spurningin er, tengist þessi slanga eitthvað því að bíllinn gengur illa hægagang og að olía sé að komast með öndun inn í loftinntak og er þá slangan orsök eða afleiðing vandans?
Slangan sést á meðfylgjandi mynd, fer frá einstefnuventlinum (hvíta stykkið) og liggur undir forðabúrið og í svarta tengið á bremsukútnum sem sést ofarlega á myndinni.
