Fór í dag og tengdi geislaspilara í bílinn. Var svolítið vesen í fyrstu þar sem rafmagnskerfið er voðalega skrýtið í bílnum, en það var leyst með því að leiða einfaldlega nýjar hátalarasnúrur. Síðan var battery tengt, ground og memory og bíllinn settur í gang og allt virkar.
Síðan seinna um kvöldið þegar það fer að dimma aðeins þá tek ég eftir því að mælaborðsljósið virkaði ekki. Ekki var ég sáttur með það en gerði bara ráð fyrir að þetta væri eitthvað smotterí. Síðan ennþá seinna þá tók ég eftir því að aðalljósin virkuðu ekki. Eina sem logaði var stöðuljósið vinstra meginn. Sama hvað ég fiktaði í dagljósasveifinni þá bara fóru aðalljósin ekki í gang.
Það sem mér finnst virkilega skrýtið er að þegar ég svissa bara á bílnum, þá loga aðalljósin fínt (þó ekki mælaborðsljósið) en svona 1-2sek eftir að bíllinn fer í gang, þá slokknar á þeim og eina sem eftir logar er þetta stöðuljós vinstra meginn. Háuljósin virka vel, ásamt öllum ljósum aftan á bílnum, og þess vegna spyr ég: Hefur einhver lent í þessu áður og/eða veit lausn á þessu?
Væri líka til í að vita hvort ég gæti hafa gert eitthvað rangt þegar ég tengdi spilarann eða að þetta sé tilviljunarkennt, því ég sé ekkert að því hvernig ég tengdi spilarann.
Er líka búinn að athuga öll öryggi og eru þau öll heil.
Hjálp?
- Pressaður 
