Það þarf að minnsta kosti ekki að rífa hann úr þegar skipt er um vatnslás í e39 með sama mótor.
En annars er þetta frekar auðvelt, opnar kranann neðst á vatnskassanum bílstjóramegin til að hleypa vatninu af, ef þú ætlar að nota það aftur það er að segja, síðan þarftu eiginlega að taka viftuspaðann af, annaðhvort með kúplingunni (þarft 32mm opinn lykil og hamar til þess, kúplingin er skrúfuð uppá vatnsdæluna með öfugum gengjum) eða þá að losa bara allenboltana þrjá sem halda spaðanum á kúplingunni.
Síðan losaru vatnshosurnar báðar af vatnsláshúsinu, og losar boltana fjóra sem halda því, þarft að losa efri boltann í hífieyranu líka og taka það frá til að ná húsinu. Síðan tekuru húsið bara af og skiptir um vatnslás, gott að skipta um pakkninguna á vatnsláshúsinu líka.
Síðan seturu þetta bara saman aftur, passar bara að þrífa vel undir pakkningunni og muna að vatnslásinn fer fyrst inn í falsið og O-hringurinn á eftir.
Síðan þegar þú fyllir á vatnið aftur þá losaru lofttæmiskrúfuna sem er við hliðina á áfyllitappanum og hellir þangað til að það hættir að koma loft þar út. þá lokaru og setur bílinn í gang með miðstöðina á mesta hita og litlum blæstri, ferð síðan bara út að keyra og fylgist vel með hitamælinum og því hvort að miðstöðin hitnar ekki örugglega strax.
Gangi þér vel
Login
Register
FAQ
Search
