Góða kvöldið,
Mig langaði að sýna ykkur nýja BMW'inn minn.
Þetta er loaded beinskiptur '97 323i M-Tech, fluttur inn '02.
Ég þekki ekki fyrstu ár bílsins, en ég veit að hann var heilmálaður '07-'09 í eigu Erlings Hjörleifssonar, og svo kaupir Sigursveinn (fyrri eigandi) bílinn af honum. Þá fer hann fljótlega með honum til Frakklands og var þar þangað til í apríl á þessu ári.
Hann er ekki ekinn nema 167 þúsund km þegar ég kaupi hann, og í mjög fínu standi. Lítið sem ekkert ryð að finna, en þó einhver upplitun (sem staðreyndin að hann hafi verið í Frakklandi bakkar upp).
Eins og einhverjir tóku kannski eftir var hann auglýstur á fáránlega lítinn pening (350k). Ástæðan var sú að fyrri eigandi er enginn sérstakur bílakall, heldur smiður sem hafði langað í flottan bíl á sínum tíma. En nú var hann búinn að eiga hann lengi og kominn tími á að selja án eftirmála.
Ég skoðaði bílinn og sá, að undir drullunni og járn-í-járn rykuðum E46 felgunum, var bíllinn OEM full M-Tech að utan og allir listar og stuðarar voru heilir.
Á honum eru þó miður falleg aftermarket projector ljós í lélegu standi, en það er lítið mál að kippa því í lag.
Þá vék ég mér að innréttingunni og sá að undir ljótu coverunum sem smiðurinn hafði notað til að hlífa sætunum sjálfum, voru Alcantara sportstólar.
Í kringum þá var síðan svört innrétting með svörtum topp, M-stýri og gírhnúi.
Svo þegar sett var í gang heyrðist að M52 rellan var alveg stálhraust og prufurúnturinn staðfesti það.
Það sem þurfti/þarf að laga er eftirfarandi:
- Hann var fyrst og fremst skítugur, að utan og (sérstaklega) innan. Hann var hlaðinn af verkfærum í skottinu, og sennilega ekki verið ryksugaður og þurrkað af innan í honum í fleiri mánuði. Það er svona never-ending story að þrífa bíl, en ég er þó búinn að því helsta.
- Bíllinn ofhitaði sig og lak vatni. Fyrri eigandi kvaðst hafa leitað lausna en enga fundið. Ég, með hjálp frá vinnufélaga, var fljótur að bera kennsl á sökudólginn og var það einfaldlega lekur vatnskassi. Ég keypti nýjan 4 cyl kassa og vandamálið hefur verið úr sögunni síðan (allavega síðan á þriðjudag.) Ég læt 4 cyl kassann duga í bili, þar sem það er svo kalt á klakanum, og þessi bíll er ekki með kappakstur neinsstaðar í kortunum.
- Afturgormarnir hafa verið settir skakkt í bílinn á einhverjum tímapunkti og bankar stundum í þeim þegar ég fer ójafnt yfir einhversskonar hindranir.
- Allar veðurþéttingar eru orðnar slappar og bílstjórahurðaspjaldið laust og ekkert grín að festa endanlega aftur. (
Týpísk E36 veiki)
- Það þarf að taka lakkið, merkin og lítið dútl í gegn, en það er ekkert sem stöðvar bílinn, en eldir hann þó.
- Hann er óskoðaður fyrir næsta ár og þarfnast einhverra skveranna fyrir það, en ekkert meiriháttar.
Ég braut sparibaukinn til þess að kaupa bílinn, þannig fram að næstu mánaðarmótum þarf ég að láta nauðsynjaviðgerðir duga, en eftir það fer uppgerðin almennilega af stað.
Þó er ekki mikið áætlað annað en að skvera allan hjólabúnað og vankanta, og versla fallegar felgur fyrir sumarið, þá helst einhverjar E36 M3 felgur, afþví mig langar að gera bílinn OEM+ í útliti, afþví það er E36 Coupe sem kom mér út í BMW delluna á annað borð, og held ég gríðarlega uppá bílana eins og þeir komu, en auðvitað kemur maður alltaf til með að setja eigin svip á bílinn.
Ég vona að þið hafið gaman að því að fylgjast með!
Þetta var eina myndin sem fylgdi auglýsingunni sem var birt í hádegi sunnudags 9/10/16.
Ég fletti eigandanum upp og fór að skoða sama kvöldið, þetta var það sem ég sá:
Í hádeginu 10/10/16 fór ég og sótti bílinn.
Við hliðina á gamla E39 mínum, eftir að ég skolaði af honum. Svo skrapp ég og tók mynd af honum svona hreinum áður en ég myndi gera nokkuð annað við hann.
Forgangsatriðin græjuð á öðrum degi, annars vegar nýr vatnskassi og hinsvegar nýtt útvarp með Aux-tengi.
Það er alveg grundvallaratriði að ég geti hlustað á eigin tónlist í eigin bíl.
Ég sá ekki ástæðu til þess að spandera miklum pening í OEM útvarp, afþví það hefði alltaf kostað amk 2x meira, og ekki einusinni með Aux.
Gamla draslið rifið úr...
...og nýja sett í. (Hverjum datt í hug að líma þennan límmiða svona fast á? Ég eyddi alltof miklum tíma í að hreinsa límið sem sat eftir á skjánum.)
Svona lítur innréttingin út eftir þrif og með nýju head uniti.
Svo henti ég bílnum á lyftu til þess að sjá hvernig ástandið væri þar, og hvað þyrfti að laga fyrir skoðun.
Alltaf gaman þegar bílar eru meira og minna heilir undir. (Sérstaklega þegar maður setur þá ekki á lyftu fyrr en eftir kaup.
)
Nú stendur ekki LSD í fæðingavottorði og ég er ekki nógu fróður um þetta, en er þetta læsing eða ekki?
Login
Register
FAQ
Search
(Þreif þetta að sjálfsögðu)
(Þreif það auðvitað líka.)
