9 ára ökumaður
Posted: Tue 28. Dec 2010 15:59http://visir.is/niu-ara-gamall-okumadur ... 0664958440
''Níu ára gamall ökumaður var stöðvaður í morgun eftir að hann hafði ekið í gegnum Héðinsfjarðargöngin. Drengurinn var þó ekki einn í för því afi hans, karlmaður á níræðisaldri hafði leyft honum að aka og var með honum í bílnum.
Í dagbók lögreglunnar á Ólafsfirði segir lögreglumaður að hann hafi ekið frammá bifreiðina og hafi aksturslag hennar verið frekar einkennilegt. Allt í einu hafi ökumaður numið staðar og hafi lögreglumaður verið nálægt því að aka aftan á hana. Hafi hann þá séð hvar lítil mannvera skaust úr ökumannssæti og hent sér í aftursætið.
Þegar lögreglumaðurinn athugaði hvað væri í gangi kom í ljós að 85 ára gamall maður hafði leyft dóttursyni sínum, 9 ára gömlum, að aka bifreiðinni úr Héðinsfirði, í gegnum Héðinsfjarðargöng vestari og áleiðis til Siglufjarðar. Hann stöðvaði bifreiðina við Hól í Siglufirði.
Lögreglumaðurinn hafði samband við föður drengsins og lét hann vita af afskiptum sínum af drengnum og afanum. ''
Hvernig finnst ykkur þetta?
''Níu ára gamall ökumaður var stöðvaður í morgun eftir að hann hafði ekið í gegnum Héðinsfjarðargöngin. Drengurinn var þó ekki einn í för því afi hans, karlmaður á níræðisaldri hafði leyft honum að aka og var með honum í bílnum.
Í dagbók lögreglunnar á Ólafsfirði segir lögreglumaður að hann hafi ekið frammá bifreiðina og hafi aksturslag hennar verið frekar einkennilegt. Allt í einu hafi ökumaður numið staðar og hafi lögreglumaður verið nálægt því að aka aftan á hana. Hafi hann þá séð hvar lítil mannvera skaust úr ökumannssæti og hent sér í aftursætið.
Þegar lögreglumaðurinn athugaði hvað væri í gangi kom í ljós að 85 ára gamall maður hafði leyft dóttursyni sínum, 9 ára gömlum, að aka bifreiðinni úr Héðinsfirði, í gegnum Héðinsfjarðargöng vestari og áleiðis til Siglufjarðar. Hann stöðvaði bifreiðina við Hól í Siglufirði.
Lögreglumaðurinn hafði samband við föður drengsins og lét hann vita af afskiptum sínum af drengnum og afanum. ''
Hvernig finnst ykkur þetta?
