Þrettán ára gömul stúlka tók bifreið traustataki í Húsafelli í nótt og ók henni til Keflavíkur. Svo virðist sem stúlkan hafi verið í fastasvefni er hún stal bifreiðinni en hún á vanda til að ganga um í svefni. Hafði hún skrifað skilaboð á vegg hjá bíleigendum með kveðju frá „næturröltaranum".

Að sögn eiganda bifreiðarinnar virðist sem stúlkan hafi gengið dágóðan spöl í svefni í Húsafelli, úr sumarbústað sem hún dvaldi í að húsi þar sem bíllyklarnir voru geymdir. Þar skrifaði hún kveðju til bíleigandans og tók lykla af Toyota Landcruiser bifreið hans og ók af stað.

Segir hann enga ástæðu til annars en að taka orð föður stúlkunnar trúanleg um næturgöngur hennar í svefni en engin verðmæti voru tekin og engar skemmdir unnar á heimili bíleigandans.

Lögreglan á Suðurnesjum vildi ekki tjá sig um málið við mbl.is en samkvæmt heimildum mbl.is var það athugull vegfarandi í Keflavík sem sá til sérkennilegs aksturslags bifreiðarinnar. Þegar betur var að gáð reyndist barn vera undir stýri.

Ekkert sér á bifreiðinni eftir næturævintýrið annað en að henni hafi greinilega ítrekað verið ekið utan í kantsteina á leiðinni frá Húsafelli í Keflavík.

Við erum að tala um að stelpan hefur þurft að fara í gegnum göngin(nema hún hafi keyrt Hvalfjörðinn) og keyrt í gegnum alla Reykjavík til að komast til Keflavíkur.

Magnaður skítur!

Mmm, er ekki alveg að kaupa þetta.

Nei nákvæmlega... það er alveg rosalega erfitt að trúa þessu

Örugglega verið að rífast við foreldra sína útaf einhverju asnalegu sem bara unglingur gæti búið til. Stolist svo út um nóttina þegar hún átti að vera 'sofandi', stolið bíl og keyrt heim. Trúi þessu mikið frekar.

Bara óvart, öll nóttin.