saemi wrote:
Aron Fridrik wrote:
það versta við svona getgátur er það að einhver spekingur kemur fram og segir að krónan sé ónýtur gjaldmiðill og þá auðvitað lækkar hann
Krónan er nú ekkert að lækka vegna þess að einhver einn segir eitthvað. það er nú mun meira en það sem er að.
Íslendingar eru bara búnir að vera á fylleríi, nú er komið að þynnkunni.
Við sjáum það ekki sjálf, en aðrir í kringum okkur sjá þetta og það er bara það sem er að gerast. Heimurinn í kring er að sjá hvað þetta blessaða hlutabréfadæmi og skuldasöfnun er á miklum brauðfótum hjá okkur!
Því miður er mikið til í þessu. Góðærið hefur að miklu leiti verið tekið að láni. En að lokum kemur að skuldadögum. Þannig er það nú víst alltaf.
Hrein staða þjóðarbúsins er -1845 milljarðar króna, sem sagt erlendar skuldir eru 1845 milljörðum umfram erlendar eignir (í árslok 2007). Þetta er um 146% af landsframleiðslu Íslands á seinasta ári. Og bara til að setja þetta í smá samhengi þá er hrein staða Bandaríkjanna gagnvart útlöndum eitthvað í kringum -35% af landsframleiðslu ef ég man rétt. Og það er talið mjög slæmt. Hvað þá yfir 140%.
Krónan er nú eitthvað aðeins búin að braggast í dag síðan hún var lægst í dag (er núna í 135) en ég verð að vera sammála fart með það að útlitið er ekkert alltof bjart.
Að minnsta kosti myndi ég bíða með að taka erlent lán næstu mánuðina.
Og talandi um erlend lán, þá hljóta ansi margir að vera orðnir áhyggjufullir sem tóku erlend myntkörfulán fyrir nokkrum mánuðum í yen og frönkum því á seinustu 3 mánuðum hefur gengi þessara gjaldmiðla hækkað um og yfir 20% gagnvart ISK. Sem sagt höfuðstóllinn hefur hækkað um 200.000 kr. fyrir hverja milljón.
Annars er nú ekki ætlunin að vera með einhverjar svartsýnisspár, alls ekki. En þegar menn tala eins og hlutirnir geti bara farið upp og tala jafnvel um að krónan geti ekki lækkað meira (þótt flest bendi til annars) þá getur maður nú ekki staðið á sér. Svoleiðis fólk þarf einfaldlega smá „reality check“. Því hlutirnir geta jú farið niður (líka á Íslandi).
En vonandi blessast þetta nú allt saman.