bmwkraftur.is

Já, sá dómur sker sig svolítið úr. Þar mætti kannski segja að Íslandsbanki hafi gengið nógu langt í því að gera ljóst að verið væri að lána erlenda mynt til þess að sjálf útgreiðslan hafi ekki haft úrslitaáhrif. Þar voru fjárhæðir tilgreindar í erlendu, mismunandi vextir settir á mismunandi gjaldmiðla og gerður áskilnaður um að við vanskil mætti umreikna lánið yfir íslenskar krónur. Það hafði líka áhrif á niðurstöðuna að í skilmálabreytingu voru bara erlendu fjárhæðirnar en ekki jafnvirði í íslensku tilgreint. Ég held að Íslandsbanki hafi tilkynnt að þeir muni endurreikna þessi lán líkt og gengistryggð lán.

ég held ekki, en það væri vel þegið.

_________________
Benedikt Guðmunds. 615-2630
The Small : BMW Z3 '97 , The Big : BMW X5 4.4i us '00 & The Beater : BMW X5 4.4i '01

Það kemur fram í þessum fréttum að þeir endurreikni erlendu lánin líka. Síðari fréttin er dagsett fyrir tæpum 2 mánuðum og líklegt að þeir útreikningar standi enn yfir.

http://www.mbl.is/vidskipti/frettir/201 ... _islandsb/

http://www.mbl.is/frettir/innlent/2012/ ... nar_lan_2/

Svörin frá ÍSB:

Eins og kom fram í fréttum af endurútreikningum bankans þá er um að ræða ólöglega gengistryggð lán sem eru endurútreiknuð.

Lán sem lögmæt teljast eins og við á í þessu tilviki falla því ekki þar undir.

Mitt lán var sem betur fer lítið, 6m að höfuðstól þegar ég tók það. Fór í 12 og var svo lækkað í 9 vegna Árna Páls laga.

Aðrir sleppa ekki eins vel.

_________________
Benedikt Guðmunds. 615-2630
The Small : BMW Z3 '97 , The Big : BMW X5 4.4i us '00 & The Beater : BMW X5 4.4i '01

Þetta er þá væntanlega ekki lán með veði í íbúðarhúsnæði. Af einhverjum ástæðum endurreikna þeir erlend lán ef þau eru tryggð með veði í íbúðarhúsnæði en annars ekki. Það er svolítið sérstakt og ég er ekki frá því að mér finnist þeir mismuna viðskiptavinum sínum svolítið með þessu.

Þetta var íbúðarlán en það var gefið út tryggingabréf sem veð, en tryggingabréfið var gefið út á húsið.

_________________
Benedikt Guðmunds. 615-2630
The Small : BMW Z3 '97 , The Big : BMW X5 4.4i us '00 & The Beater : BMW X5 4.4i '01

Það er þá enn furðulegra. Þeir eru þá að neita að endurreikna lánið vegna þess að það er eitt (hugsanlega óþarft) tryggingabréf á milli lánsins og veðandlagsins. Fyrir mér er þetta eins og ef Spölur myndi sleppa því að rukka alla sem ætla frá Reykjavík til Akureyrar nema þá sem ætla að stoppa í Borgarnesi.

Nú veit ég ekki hve langt þú hefur gengið í að reyna að fá þetta endurreiknað en í þínum sporum myndi alveg eyða smá púðri í það.

Tryggingabréf er mögulega nógu lögverndað skjal, og því hugsanlega nóg til að stoppa leið A til B.
Þetta er eins og þú ætlar að fara frá RVK til AK fljótlegustu leiðina, en göngin eru lokuð svo þú þarft að taka fjörðinn en fjörðurinn er í sundur vegna vegavinnu, þannig að þú kemst ekkert.

_________________

E36 M3GTtt

Þeir eru að neita að endurreikna þar sem þetta lán hefur verið dæmt löglegt, tryggingin sem slík skiptir engu. Ég ætla að fylgjast með prufumálunum og sjá hvað kemur út úr þeim. Sem betur fer eru ekki það miklir fjármunir í húfi hjá mér.

_________________
Benedikt Guðmunds. 615-2630
The Small : BMW Z3 '97 , The Big : BMW X5 4.4i us '00 & The Beater : BMW X5 4.4i '01

Punkturinn hjá mér er samt að þeir hafa ítrekað sagst ætla að endurreikna lögleg erlend lán sem tryggð eru með veði í íbúðarhúsnæði þó þeim sé það ekki skylt. Maður myndi halda að sömu sjónarmið ættu að gilda um þitt lán.

Ekki alveg, þeir taka til dæmis fram í seinni linkinum sem þú sendir eftirfarandi:

Með hliðsjón af niðurstöðu Hæstaréttar frá 15. febrúar og 18. október sem tóku til fullnaðarkvittana vegna ólögmætra lána munu dómarnir ekki eiga við um stærstan hluta húsnæðislána Íslandsbanka.

_________________
Benedikt Guðmunds. 615-2630
The Small : BMW Z3 '97 , The Big : BMW X5 4.4i us '00 & The Beater : BMW X5 4.4i '01

Já, þetta fær þetta svolítið til að líta út eins og þeir viti ekki hvað þeir vilja gera. Þeir lýsa því annars vegar yfir að þeir ætli að endurreikna lögleg erlend lán líkt og gengistryggðu lánin en telja svo hins vegar að dómar um gildi fullnaðarkvittana gagnvart kröfum um vangreidda vexti eigi ekki við löglegu erlendu lánin. Ef ég væri með lán hjá Íslandsbanka myndi ég krefja þá skýringar á þessu.

Skýringin er sú að þeir endurreikna lögleg lán skv Árna Páls lögum en þeir telja vaxtadóminn sem var í framhaldi ekki ná yfir þau. Í raun gæti bankinn mögulega krafið ríkið um bætur fyrir að hafa lækkað lánið mitt skv ÁP lögunum (þeir fara vonandi ekki að krefja mig um það:) ).

Anyhow, ég bíð bara og sé hvernig þetta þróast.

_________________
Benedikt Guðmunds. 615-2630
The Small : BMW Z3 '97 , The Big : BMW X5 4.4i us '00 & The Beater : BMW X5 4.4i '01

Það er ekki alveg rétt því þau lög taka bara til ólögmætra gengistryggðra lána. Þeir endurútreikna þessi lán umfram skyldu. Af þeirri ástæðu er þeim líka frjálst að taka ekki tillit til vaxtadómanna, mér finnst bara furðulegt að þeir ákveði fyrst að endurreikna en fari svo ekki alla leið með það. Þetta skýrist þó væntanlega allt á næstu mánuðum. Annars held ég það séu ansi margir orðnir ansi þreyttir á biðinni eftir endanlegri niðurstöðu gengistryggðu lánanna.

Satt að margir eru þreyttir, en ég er afar sáttur við að hafa fengið þessa leiðréttingu sem ég fékk. Það var ég sem tók þetta lán og það var ég sem átti að bera áhættuna og tjónið sem af því hlaust. Það að þessi lán voru dæmd ólögleg var ekkert annað en heppni þeirra sem tóku þau.

_________________
Benedikt Guðmunds. 615-2630
The Small : BMW Z3 '97 , The Big : BMW X5 4.4i us '00 & The Beater : BMW X5 4.4i '01