Vísir, 16. jan. 2008 07:24

Vopnaðir dólgar gengu berserksgang í Breiðholti
Tveir karlmenn í annarlegu ástandi vegna neyslu fíkniefna, og vopnaðir öxum, gengu berserksgang í tveimur stigagöngum fjölbýlishúsa í Bakkahverfi í Breiðholti undir kvöld í fyrrakvöld, og skelfdu þar íbúana.

Þeir ruddust meðal annars inn í íbúð við Blöndubakka, þar sem kona og þrjú ungabörn voru heima, og létu þeir þar dólgslega. Lögrgla sendi fjölmennt lið á mörgum bílum á vettvang þar sem mennirnir voru vopnaðir. Þeir höfðu hinsvegar falið axirnar í trjágróðri þegar þeir voru umkringdir og handteknir í Arnarbakka.

Mönnunum var sleppt eftir ítarlegar yfirheyrslur, en mál þeirra verður rannsakað nánar

Sara Rós var ein heima með börnin sín þrjú, tveggja ára dreng og tveggja mánaða tvíbura, þegar mennirnir réðust inn vopnaðir öxum. „Þeir sögðu bara hvar er fokking Addi eða eitthvað sko. Ég veit ekki hvernig ég má orða þetta," segir Sara. Hún telur að mennirnir hafi verið að leita að einhverjum tilteknum mönnum sem tengjast henni ekki. "Þeir voru mjög reiðir og alveg útúrdópaðir," segir hún.

Þetta eru ekki einu skakkaföllin sem Sara Rós og Sverrir Björn, eiginmaður hennar, hafa lent í að undanförnu, því að bílnum þeirra var stolið þann 4. janúar, en fannst gerónýtur daginn eftir. Sara segir að þjófarnir séu ekki fundnir.

Eftir ...MJÖG áræðanlegum heimildum ,, var Tommi camaro aka
TÓMAS MAVERIC ,, targetið