700 miljóna króna tap varð á kaskótryggingum ökutækja hjá tryggingafélögunum á síðasta ári. Fjöldi lúxusbíla hefur margfaldast á fáum árum og tjónakostnaður aukist stórfenglega. Tryggingafélögin skoða nú hvort breyta þurfi reiknilíkönum sínum vegna þessa, og endurskoða iðgjöld.

Tryggingafélögin standa nú frammi fyrir ákveðnum "góðærisvanda". Þau tapa af kaskótryggingum því viðgerðir á svona bílum eru rándýrar og fjöldi glæsikerranna margfaldast með hverju árinu sem líður.

Árið 2004 högnuðust tryggingafélögin um 10 miljónir á frjálsum ökutækjatryggingum, árið 2005 töpuðu félögin hins vegar 334 miljónum á þessum sömu tryggingum og í fyrra nam tapið 721 miljón króna. Þessi tölfræði kemur heim og saman við fjölgun lúxusbílanna. Fjöldi bíla af tegundunum BMW, Range Rover og Mercedes Benz hefur fimmfaldast frá árinu 2001 og þrefalt fleiri Audiar og tvöfalt fleiri Lexusar eru á götunum nú en fyrir 6 árum.

Einar Þorláksson, vörustjóri ökutækjatrygginga hjá TM, segir að iðgjöldin séu til endurskoðunar. Til greina komi að setja lúxusbílana í séráhættuflokk. Pétur Már Jónsson, aðstoðarforstjóri VÍS segir tjónatíðnina hafa aukist um 30% á þremur árum og það skili sér í auknu tapi á kaskótryggingum.

...BMW, Range Rover og Mercedes Benz hefur fimmfaldast frá árinu 2001 og þrefalt fleiri Audiar og tvöfalt fleiri Lexusar eru á götunum nú en fyrir 6 árum....

Níu mánaða uppgjör TM

1/11/2007
1.873 milljón króna hagnaður á fyrstu 9 mánuðum ársins

.... og í öðrum fréttum frá TM:



( http://www.tryggingamidstodin.is/tm/frettir/nr/2348 )

Bara sleppa kaskóinu og keyra af ábyrgð

En annars á þetta örugglega ekki eftir að enda vel - það er líklega ódýrara að tryggja öflug tæki á Íslandi en eiginlega allsstaðar annarsstaðar.

Það var talað um það í fréttunum að það væri svo mikið dýrara að gera við lúxusbílana, mikið dýrari varahlutir og svo framvegis...