Lögreglan á höfuðborgarsvæðinu lýsir eftir ökumanni Subaru-bifreiðar sem var staðinn að hraðakstri á gatnamótum Sæbrautar og Langholtsvegar þriðjudaginn 27. nóvember sl. Bíllinn mældist á 83 km hraða en þarna er leyfður hámarkshraði 60.

Birt er mynd úr hraðamyndavél af bílnum á vef lögreglunnar og sést þar, að búið er að hylja skráningarnúmerið og ökumaðurinn sendir hraðamyndavélinni fingurkveðju.

Segir lögreglan, að atferli ökumannsins beri með sér einbeittan brotavilja. Framkoma sem þessi sé ámælisverð og þá sé ökumaðurinn jafnframt mjög slæm fyrirmynd fyrir unga farþegann á barnsaldri sem situr við hlið hans.

Mér finnst bara ekkert fyndið við þetta...

Hiiiinsvegar fannst mér fyndið þegar við Bjarni vorum eitthvað á ferðinni um daginn á bílnum hans þegar við keyrum yfir gatnamót með svona ljós og þau blikka á bjarna og bíl sem var rétt á undan... Bjarni var kannski 10-15 yfir hámarkshraða og verður náttla frekar svekktur þegar það er tekin mynd...

Svo líða svona 15 sek þangað til að hann fattar að hann var ekki með númerið sitt að framan og þá varð hann aftur glaður

Góð saga er það ekki?

Duuuuude, ég ætla rétt að vona að ég fái ekki sektina í pósti núna!!

Fólkið á mbl er a.m.k. að tapa sér útaf þessu. Það tapa sér reyndar útaf öllu.