Vísir, 06. júlí. 2007 15:54

Maður handtekinn í Hollandi fyrir að múta foreldrum Madeleine McCann

Hollenska lögreglan hefur handtekið 39 ára gamlan karlmann fyrir að reyna að kúga fé út úr foreldrum Madeleine McCann sem hvarf af hótelherbergi á sumardvalarstaðnum Praia da Luz í Portúgal í byrjun maí.

Hann krafðist hárra fjárhæða í skiptum fyrir upplýsingar sem hann sagðist hafa um dvalarstað stúlkunnar og mannræningja hennar. Maðurinn játaði eftir yfirheyrslur að hafa skáldað söguna upp.

Maðurinn sem er atvinnulaus sendi foreldrum Madeleine sex tölvuskeyti frá internetkaffihúsi og atvinnuleysisskrifstofu í Hollandi. Hann var handtekinn í Eindoven á miðvikudag. Maðurinn verður líklega ákærður fyrir mútur og á yfir höfði sér allt að fjögurra ára fangelsi.

Á Spáni eru málaferli hafin gegn pari sem einnig reyndi að kúga fé út úr foreldrum Madeleine í lok júní.

Þetta Fréttablaðs/Vísis lið er hvorki læst né skrifandi.
Ég lenti í smá símaviðtali við einn þarna, Freir Gígja heitir kappinn, textinn sem birtist svo í blaðinu var ekkert nema stafsetningarvillur og sem dæmi náði hann að hafa 2 villur í sama orðinu á tveimum stöðum í greininni.

Freyr ekki Freir.

Grínlaust, visir.is og mbl.is til skammar.
Hvernig væri að lesa yfir það sem er sett inn þarna inná að minnsta kosti einusinni

Talandi um Mbl.is þá er bloggið sem birtist með fréttunum farið að fara hrikalega í taugarnar á mér, þar bulla misvitrir sófadómarar um allt sem þeir hafa ekkert vit á og er hreinlega orðið pirrandi að lesa bullið frá þessu liði.

Af hverju ekki MBL bloggari með ZERO skoðanir?