Vísir, 15. feb. 2007 07:31

Skemmdarverkapiltar látnir lausir
Piltarnir þrír sem handteknir voru í gær grunaðir um stórfelld skemmdarverk í Hafnarfirði í fyrrinótt játuðu á sig verknaðinn við yfirheyrslur hjá lögreglu og var sleppt í gærkvöldi. Þeir eru á aldrinum 15 til 17 ára og hafa áður komist í kast við lögin. Barnaverndaryfirvöld hafa nú mál þeirra til meðferðar. Tjón af völdum þeirra hefur ekki verið metið að fulllu en ljóst að það hleypur á mörgum milljónum króna.

Unglingspiltar hafa játað skemmdarverkin að hluta
Skemmdarverk voru framin víðs vegar í Hafnarfirði í fyrrinótt. Á fjórða tug bifreiða voru skemmdar og rúður brotnar víða annars staðar. Þrír piltar á unglingsaldri hafa játað spellvirkin að hluta.
Lögreglumál Þrír piltar á unglingsaldri voru handteknir um hádegisbilið í gær vegna gruns um að þeir hafi framið fjöldamörg skemmdarverk víðs vegar í Hafnarfirði nóttina áður.

Lögreglumál Þrír piltar á unglingsaldri voru handteknir um hádegisbilið í gær vegna gruns um að þeir hafi framið fjöldamörg skemmdarverk víðs vegar í Hafnarfirði nóttina áður. Talið er að tjónið geti numið tugum milljóna króna.

Rúður voru brotnar í að minnsta kosti þrjátíu bifreiðum og margar þeirra dældaðar og rispaðar töluvert. Í nokkrum tilfellum voru járnteinar reknir í gegnum hurðir og vélarhlífar bifreiðanna. Þá voru einnig brotnar rúður í heimahúsi og vinnuskúr í bænum auk þess sem grunur leikur á um að piltarnir, sem eru á aldrinum fimmtán til sautján ára, hafi verið á stolnum bíl. Að sögn lögreglu er ekki loku fyrir það skotið að slóð piltanna liggi víðar, en þeir hafa játað skemmdarverkin að hluta.

Tilkynningar um spellvirkin tóku að streyma inn til lögreglu snemma í gærmorgun og fór ört fjölgandi eftir því sem leið á daginn. Þær fyrstu bárust frá hesthúsahverfinu í Almannadal þar sem fjölmargar bifreiðar höfðu verið skemmdar, en margar þeirra voru nýlegar. Þær tilheyrðu flestar verktökum sem eru þar að störfum um þessar mundir. Auk þess brutu skemmdarvargarnir rúður í þeim hesthúsum sem búið var að setja gler í.

Síðar um daginn bárust tilkynningar frá iðnaðarsvæðinu í Helluhverfi, austan við álverið í Straumsvík, þar sem rúður höfðu verið brotnar í bifreiðum, járnteinar reknir í gegnum hurðir og vélarhlífar og þær dældaðar á ýmsa aðra vegu. Þar urðu stærri vinnuvélar einnig fyrir töluverðum skemmdum af hendi spellvirkjanna.

Lögreglan telur að sömu aðilar hafi verið að verki í öllum tilvikum. Ekki er ljóst hvað þeim gekk til né hvers kyns tól þeir notuðu við verknaðinn.

Piltarnir sem eru í haldi hafa allir komið áður við sögu lögreglu. Sökum ungs aldurs þeirra er málið unnið í samvinnu við barnaverndaryfirvöld en þeir hafa þó allir náð sakhæfisaldri. Rannsóknardeild lögreglunnar á höfuðborgarsvæðinu hefur nú fengið málið til meðferðar og yfirheyrslur yfir piltunum fóru fram í gærkvöldi.

thordur

@frettabladid.is

Hvað gerist svo hjá þeim sem ekki eru með kaskó?..
Þurfa tryggingar foreldra strákana að borga allt tjónið ?
Eða kanski foreldrarnir sjálfir ?

tryggingin boregar rúðurnar í bílunum, þetta er 560sec benz , rúðurnar í þetta eru alveg tugir þúsunda

15-17 ára??? Hverskonar helvítis mongólítar eru þetta! Misþroska pakk

Já og þetta er ekki í fyrsta skipti sem þeir komast í kast við lögin

Ég þoli ekki þetta réttarkerfi á íslandi.. Nóg að játa og þá máttu fara !!