Jæja, þá er maður að svíkja lit og fá sér Mercedes-Benz E500 ´03 (hef aldrei átt MB, bara BMW). Þetta er Avantgarde bíll og hann er Tansanitblau-metallic á litinn, með svörtu leðri í köntunum, loftpúðafjöðrun og topplúgu. Svo er margt, margt fleira í honum enda er staðalbúnaður í E500 Avantgarde ekki af skornum skammti.
Mig hefði ekki grunað fyrir nokkrum mánuðum að ég myndi fá mér Mercedes-Benz þar sem ég er forfallinn BMW maður, en skyndilega tók ég þessu líka ástfóstrinu við W211 bílnum.
Fyrst ég var að þessu á annað borð þá var ekkert annað að gera en að fá sér V-8 græju.
Bíllinn fer vonandi í skip strax eftir helgi og ég er þegar farinn að telja niður, en það er Smári sem sér um koma honum á Klakann.
Ég hef svosem heyrt sögur um að þessir bílar eigi það til að vera með e-ð leiðindi í tölvukerfinu og koma með bilanatilkynningar sem eiga sér ekki stoð. En það þýðir ekkert að vera stressa sig á því
Jæja, það eru komnar myndir af honum nánast á hafnarbakkanum. Plain fimm arma felgurnar eru sumarfelgur en hinar eru vetrarfelgur.
Nú eiga einhverjir eftir að hrauna yfir mig
