Djofullinn wrote:
Zyklus wrote:
Finnst alltaf jafn fyndið þegar fólk talar um að það „tími“ ekki að hafa mikinn pening liggjandi í bíl, en samt er þetta sama fólk tilbúið að borga um og yfir 17% vexti (plús annan lántökukostnað). Til að eitthvað vit sé í þessu þarf þetta fólk að fá kannski yfir 20% ávöxtun til að vega upp á móti kostnaði af láninu. En það fæst hvergi örugg 20% ávöxtun.
Þannig að annað hvort er fólk almennt svona miklir fjármálaspekúlantar að það nái auðveldlega svona hárri ávöxtun eða það hefur ekki alveg hugsað þetta til enda (sem er líklegra).
Vextir á bílasamningi í jen og franka eru um 5,5% (5,49% hjá Avant). Stofngjald er 2,5%, en það breytir náttúrulega ekki neinu fyrir einhvern sem er að yfirtaka lán.
Ekkert stimpilgjald af bílasamningi.
Hlutfallslegur kostnaður er 6,84% samkvæmt Avant.is.
Síðan getur maður lagt peninginn sem maður
á inn á venjulegan netreikning með 13+% vöxtum.
Auðvitað er alveg til í dæminu að það geti verið hagstæðara að taka erlent lán á lágum vöxtum og láta peninginn liggja á háum íslenskum vöxtum. En þá ertu hins vegar kominn með gengisáhættu.
Bara sem dæmi þá er franski frankinn og japanska jenið búið að hækka gagnvart krónunni um sirka 15% síðast liðið hálft ár. Þannig að ef þú hefur tekið lán fyrir hálfu ári í CHF og JPY þá er lánið búið að hækka um 15%. Þannig að þá ertu að greiða vel yfir 20% í vexti.
En eins og ég segi, það getur alveg verið hagstæðara ef krónan styrkist. En það er alltaf óvissan og það að ætla að reyna að spá af einhverju viti fyrir um gengi krónunnar er nánast ómögulegt.
Svo er auðvitað eitt annað í þessu, það er að eins og markaðurinn er í dag þá fær maður yfirleitt ansi ríflegan staðgreiðsluafslátt. Sem gerir samanburðinn enn óhagstæðari fyrir lánin.
aron m5 wrote:
hvort finnst ykkur viturlegra þegar maður á kanski hvern bíl i 3-4 mánuði??????
Svo fremi sem kostnaðurinn við lánið er hærri en sú ávöxtun sem þú getur fengið á peninginn þinn þá skiptir ekki máli hvort um er að ræða 3 mánuði eða 3 ár.
En svo er auðvitað allt annað mál ef fyrsti gjalddagi er kannski ekki fyrr en eftir 2-3 mánuði þannig að þú ert með frían bíl í 2-3 mánuði, þá er það auðvitað allt annað mál.
Svo reyndar spilar líka inn í þetta að það virðist vera töluvert auðveldara að selja bíla sem eitthvað er áhvílandi á. Finnst reyndar alltaf jafn kjánalegt að það skuli breyta svona miklu hvort það sé eitthvað áhvílandi eða ekki, það er nú ekki svo erfitt að fara í bankann og fá lán á bíl. Er fólk virkilega svo latt að það nenni ekki að standa í því að redda sér sjálft lán á bíl?
Eitt annað varðandi það ef maður ætlar að eiga bíl í einungis nokkra mánuði og maður er með hann á láni, þá eru flestir með svo kallað jafngreiðslulán en þá borgar þú að lang mestu leyti vexti fyrri hluta lánstímabilsins sem þýðir það að þegar þú ætlar svo að selja bílinn eftir nokkra mánuði þá hefur þú í raun eignast voða lítið í bílnum því greiðslurnar þínar hafa að mestu leyti saman staðið af vöxtum. Eignamyndunin er því lítil fyrst um sinn.
En ef fólk vill taka lán fyrir hlutunum í stað þess að spara þá er það auðvitað þeirra val og ekki ætla ég að agnúast neitt út í það. Þetta er þeirra val.
Varðandi það hvort maður sé eigandi bíls ef maður er með hann á 100% láni þá lagalega séð er maður eigandi bílsins en ég skil mjög vel sjónarmið þeirra sem finnst kjánalegt að tala um að maður eigi bíl þegar maður skuldar hann í botn.
Ps. Sjálfur skrifa ég nú ekki mikið á þetta spjall en les það oft og varðandi það komment einhvers hér fyrir ofan að það gætti hroka í svörum Sæma þá verð ég nú að segja (eins og fleiri hér) að ekki hef ég verið var við þennan hroka. Finnst hann þvert á móti með betri og vandaðri pennum hér.
Login
Register
FAQ
Search
En..... bebcar þú ert sem sé að segja að maður á ekki íbúðina ef hún er að hluta til veðsett..... 
Meðlimur
