Áríðandi fyrir þá sem eru að kjósa í fyrsta skiptið!

[Giz]

Skemmtileg umræða og ég er sammála mörgu sem fram hefur komið og öðru ekki. Ég er nú ekki Íslenskur stjórnmálafræðingur heldur úttlenskur þannig að hef ekki rannsakað þetta sjálfur, nema með tilliti til þáttöku Íslands í ESB og EEA/EFTA, en það er annað mál.

Hitt er að vextir, viðskiptahalli ásamt fleiru er á villigötum á Íslandi eins og allir vita.

Það er stundum soldið sjokkerandi að horfa á þetta erlendis frá. Það kemur fyrir að ég les Íslensk blöð og á laugardag var þessi dæmisaga í FB:


Það er síður en svo allt satt og rétt í Fréttablaðinu en þetta er væntanlega ekki fjarri lagi. Hvernig er hægt að hjón með isk 650.000.- brútto mánaðartekjur skuldi 5000 kall hver mánaðarmót, og þá er ekki tekið tillit til lána annarra en bílaláns og ibúðaláns. Né er tekið tillit til tómstunda osfr.

Skattar á Íslandi eru ekki það háir miðað við önnur Norðurlönd sem dæmi til að orsaka þessa þróun. Fólk hefur það allmiklu betra víða annarsstaðar og þá án þess að vinna 50 tíma á viku. Íslendingar kalla það kannski aumingjaskap en ég kýs að kalla það lífsgæði.

Hitt er að ég skilaði auðu, enda enginn valkostanna sem ég get fengið mig til að kjósa.

Þar kemur aftur að öðru vandamáli á Íslandi. Auð atkvæði eru alltaf talin með ógildum, auð- og ógild atkvæði voru xxxx, og um leið er verið að gera rödd þess fólks sem lýsir óánægju sinni með valkostina að engu. Gefa skít í það meira og minna sem er náttúrlega í meira lagi suspect.

G

[zazou]

Það er nú eitthvað alvarlega bogið við þessa útreikninga á húsnæðisláninu...

[Giz]

Það er nú eitthvað alvarlega bogið við þessa útreikninga á húsnæðisláninu...

Já er það ekki, þó dýrt sé var ég varla að trúa þessari upphæð.

En það er væntanlega allavega alltaf hva, 120-130 þús. í afborganir af 21 milljón eða hvað það er í þessu "dæmi"?

G

[zazou]

Það er nú eitthvað alvarlega bogið við þessa útreikninga á húsnæðisláninu...

Já er það ekki, þó dýrt sé var ég varla að trúa þessari upphæð.

En það er væntanlega allavega alltaf hva, 120-130 þús. í afborganir af 21 milljón eða hvað það er í þessu "dæmi"?

G

Gæti trúað því að það sé rúmlega 100 kall. Þessir snillingar summera upp allar greiðslur með verðbólguspá og deila með mánaðafjölda. Svo er allt annað án tillits til hugsanlegrar verðbólgu.

[grettir]

Trúið mér, ég er búinn að spá í að skila auðu frekar en að hallast til vinstri. En á þessu dásemdarlandi eru auðir og ógildir taldir saman, svo ef maður skilar auðu gæti allt eins litið út fyrir að maður hafi klúðrað kosningunni. Hversu amerískt er það?

Einhver sagði mér að það væri hollt að láta hægri og vinstri skiptast á í stjórn, hvort sem það væri í landsmálunum eða í sveitastjórn. Þá kæmu hægri stjórn og byggði fullt af byggingum og lækkuðu skatta á fyrirtæki. Svo kæmi vinstri stjórnin og byggði leikskóla og hugaði að félagslega faktornum.

Dæmi um þetta er Kópavogur, þar sem búið er að byggja og byggja, en alveg gleymst að gera ráð fyrir því að það þarf leikskóla og þess háttar.

En varðandi þennan íbúðalánaútreikning, þá er þetta líklega ekki svo fjarri lagi.
Málið er að bankarnir lána aldrei nema 70-80%, svo þarf að fjármagna restina með "viðbótarlánum", sem eru til skemmri tíma og á hærri vöxtum.

[gstuning]

Þetta er mjög einfalt,,

Það sem stjórnmálamenn segjast ætlar gera er ekki hægt að treysta á.

Og því frekar erfitt að kjósa einhvern þeirra yfir höfuð hvað þá heilann flokk af lygurum,,

Allir fara í stjórnmál með rétt hugarfar, eftir ákveðinn tíma þá snýst þetta meira um að vera lengur í stjórnmálum og fá eitthvað fyrir sinn skerf heldur enn annað.,.
Þeir eru því í raun að slást um að fá borgað....

[Stanky]

Þetta er mjög einfalt,,

Það sem stjórnmálamenn segjast ætlar gera er ekki hægt að treysta á.

Og því frekar erfitt að kjósa einhvern þeirra yfir höfuð hvað þá heilann flokk af lygurum,,

Allir fara í stjórnmál með rétt hugarfar, eftir ákveðinn tíma þá snýst þetta meira um að vera lengur í stjórnmálum og fá eitthvað fyrir sinn skerf heldur enn annað.,.
Þeir eru því í raun að slást um að fá borgað....

Ég kýs með þannig hugarfari hvað ég vill EKKI að komist í ríkisstjórn!

[bebecar]

Þessi dæmisaga virkar nú eitthvað furðuleg og þá aðallega húsnæðisútreikningurinn...

En jú þetta lítur ekki sérlega fallega út þó þetta væri 100 þús fyrir húsnæðið.... EN, þetta eru samt nokkuð góð laun (heildar) og fólk verður auðvitað að sníða sér stakk eftir vexti. Það að fólk geti fengið 90% lán núna (sem það gat ekki fyrir nokkrum árum síðan) þýðir ekki endilega að það borgi sig að taka það eða að það séu engir aðrir kostir í stöðunni.

Fólk verður að bera ábyrgð á sjálfu sér.

Þegar bróðir minn flutti heim til Íslands úr námi árið 1987 líklegast, þá voru fleiri hundruð nauðungaruppboð í hverjum einasta mánuði, á húsnæði, fyrirtækjum, skipum og bílum. Hann man vel hvernig var að koma sér upp húsnæði þá - það var engin peningur til fyrir almennilegum mat, dekkjum, bensíni eða bjór kippu (sem auðvitað var bannað að selja á Íslandi í þá daga).

Ég hallast að því að eitt mesta bölið sé verðtryggingin heima og þá aðallega vegna þess að hún gerir allar áætlanir mun erfiðari til lengri tíma litið. Þó rekur mig minni í að hafa séð útreikninga á því að verðtryggingin hafi þrátt fyrir allt verið ódýrari fyrir íslendinga... væri gaman ef einhver myndi eftir slíkum útreikningi?

Það má líka alveg snúa þessu dæmi við... sömu hjón komu heim úr námi árið 2003 og keyptu þessa sömu íbúð þá á hvað, 17 milljónir sirka... þar liggur auðvitað verðmætaaukning ef þau selja á 23,5 núna og kaupa sér aðeins ódýrari íbúð. Það tekur ekki mjög langan tíma að safna smá höfuðstól ef það er gert - eins og margir hafa gert.

Hlutirnir eru heldur ekkert miklu betri hér í DK, eiginlega bara öðruvísi. Ég þekki dönsk hjón hér sem eru bæði háskólamenntuð, bæði með vinnu í sínu fagi og þau rétt skrimta af sínum launum. Það sem kemur í stað verðtryggingar eru t.d. lægri laun, hærri skattar (miklu hærri reyndar), hærri hiti og rafmagn (og það eru stundum sjokkerandi háar tölur), lægri barnabætur (believe it or not!) og svo er matur álíka dýr og heima og bensín sömuleiðis... já og að ógleymdum bílum sem eru tvisvar sinnum dýrari en heima.

Þetta samfélag fúnkerar samt vel og er gott dæmi um að velferðarsamfélag getur þrifist vel. Hér eru allir frekar jafnir en það bíður bara upp á annarskonar vandamál í staðinn - hér vilja t.d. danskir læknar ekki vinna, eða aðrir sérfræðingar upp til hópa því þeir njóta ekki góðs af áralangri háskólamenntun.

Vil samt undirstrika það að ég er sammála í megin dráttum - það er ansi mikil bilun í gangi heima enda mikil ferð á fólki... eldurinn logar.

En að kjósa vinstri, eða taka sénsinn á vinstri stjórn er klárlega að hella olíu á eldinn! Það er ekki hægt að líkja vinstriflokkunum heima við aðra vinstri flokka á norðurlöndunum enda eru allir sem áttu eitthvað saman að sælda með Austur-Þýskalandi, eða Sovétríkjunum löngu farnir úr pólitík hér - en ekki heima.

Ríkissjóður stendur vel núna og það er gott svigrúm til að taka næstu skref.

Fyrir öllu er að skapa stabílt fjármálaumhverfi heima fyrir heimili og fyrirtæki - Ögmundi er t.d. ekki treystandi til þess.

OG EITT ENN... það er sama vinstri liðið búið að reyna að ná völdum á Íslandi í 12 ár og alltaf er viðkvæðið það sama, kominn tími á breytingar.. hvernig væri að skipta þessu liði út, fá nýtt fólk með stabílar og vel grundvallaðar langtíma áætlanir og hugsjónir og fylgja þar með orðum sínum eftir - þá gerist kannski eitthvað eftir 4 ár sem ekki er stórhættulegt efnahag lands og heimila... þangað til það fæst nýtt fólk í forystuna á vinstri vængnum hefur fólk almennt ekki efni á vinstristjórn.

[bebecar]

Maður missir af ýmsu í útlöndum - er maðurinn gersamlega tjúllaður? Sérstaklega í ljósi þess að á landinu vinna rúmlega 8000 manns við bankana og skattekjur eru himinháar.

"Ögmundur Jónasson, alþingismaður og formaður BSRB, segir það til vinnandi að senda viðskiptabankana úr landi til að geta aukið jöfnuð í samfélaginu.

Ögmundur segir misskiptingu og ranglæti þrífast og breiða úr sér sem aldrei fyrr. Bankarnir greiði aðeins 12 milljarða fjármagnstekjuskatt af 120 milljarða hagnaði og hóti að hverfa úr landi verði skatturinn hækkaður.

Spurning sé hvort jafnaðarsamfélaginu sé fórnandi fyrir 12 milljarða og nokkra stráka og stelpur í silkifötum. „Er þotuliðinu fórnandi fyrir meiri jöfnuð og félagslegt réttlæti? Mitt svar er já," skrifar Ögmundur. - gar"

Heimild:
http://www.visir.is/apps/pbcs.dll/article?AID=/20061104/FRETTIR01/111040111/1091

Gæti trúað að VG sé á harðahlaupum undan þessum orðum þessa dagana...

[grettir]

Ég hef enga trú á því að "skoðanakannanafylgi" Vinstri Grænna skili sér í kjörkassana.

Skömmu eftir síðustu kosningar, þegar eftirlaunafrumvarpið góða var keyrt í gegn lenti ég í Gallup könnun og svaraði því til að "ég hefði kosið Sjálfstæðisflokkinn en myndi kjósa VG ef gengið yrði til kosninga nú", eingöngu til að lýsa andúð minni á því að ríkisstjórnin hefði geymt þetta frumvarp í rassvasanum framyfir kosningar.

Í raunveruleikanum myndi ég ekki kjósa VG þó ég yrði dreginn á hárinu inn í klefann af þeim Ögmundi og Steingrími.