Og áfram fáum við almenningur blauta tuskuna í andlitið. Það er ekki nóg með að menn hafi afskrifað lánin sín (eða eins og Kaupþingsmenn orða það: „aflétta persónulegri ábyrgð“) heldur halda þessir „lykilstarfsmenn“ (þessir sem bera ábyrgð á því að bankinn fór á hausinn...) vinnunni.
Og i þokkabót fá þessi „lykilstarfsmenn“ lúxusbifreiðar til umráða.
http://visir.is/article/20081105/FRETTIR01/839299279/-1
Quote:
Bankastjóri Nýja Kaupþings segir að lykilstarfsmönnum, sem fengið höfðu sérstaka lánafyrirgreiðslu hjá bankanum, verði ekki vikið frá störfum, enda bendi ekkert til saknæms athæfis. Komi hins vegar annað í ljós verði tekið á því með viðeigandi hætti.
Óháðir sérfræðingar munu kanna umdeild hlutabréfakaup lykilstarfsmanna gamla Kaupþings, en kaupin hlupu á tugi milljarða og persónulegar ábyrgðir voru felldar niður. Bankastjóri segir engin lán verða afskrifuð og kveður marga starfsmenn nú fjárhagslega illa stæða. Það hafi áhrif á starfsemina.
Ljós er að bankinn hefur orðið fyrir álitshnekki og í harðorðri yfirlýsingu í dag krefst Alþýðusamband Íslands þess að hið sanna verði dregið fram í dagsljósið.
Umdeilt er þó að margra mati að margir af þeim lykilstarfsmönnum sem tóku þátt í hlutabréfakaupunum, séu enn að störfum í nýjum banka. Finnur segir að hann beri ábyrgð á ráðningu þeirra, þörf hafi verið fyrir hæfa einstaklinga til að bankinn yrði starfhæfur hið fyrsta.
http://visir.is/article/20081105/FRETTIR01/304489625http://visir.is/article/20081105/FRETTIR01/304489625Quote:
Bifreiðahlunnindi eru hluti af launakjörum stjórnenda Nýja Glitnis og Landsbankans, auk einhverra annarra lykilstjórnenda. Leynd hvílir enn yfir launakjörum bankastjóra Nýja Landsbankans.
Það hefur reynst þrautin þyngri að fá upplýsingar um hlunnindi lykilstjórnenda nýju bankanna. Enn skirrist Elín Sigfúsdóttir, bankastjóri Nýja Landsbankans, við að gefa upp laun sín og vísar til þess að starfsemi bankans falli ekki undir stjórnsýslulög og sé því ekki upplýsingaskyld.
Fréttastofan hefur þó aflað sér heimilda um að Elín aki um á glæsilegri Bensbifreið sem skráð er á bankann og Björgvin G. Sigurðsson viðskiptaráðherra sagði í gær að launakjör Elínar væru á svipuðum nótum og bankastjóra hinna bankanna, en þeir eru með eina milljón og sjö hundruð og fimmtíu þúsund krónur í mánaðarlaun.
Birna Einarsdóttir, bankastjóri Nýja Glitnis ekur einnig um á gæsibifreið sem er skráð á bankann og fréttastofu er kunnugt um að fleiri lykilstjórnendur bankans njóti bílafríðinda, sumir þó aðeins tímabundið.
Finnur Sveinbjörnsson, bankastjóri Nýja Kaupþings, var eini stjórnandinn sem talaði við fréttastofu. Hann segist ekki njóta bifreiðahlunninda, hann ætti þó kost á því, en þá myndi það dragast frá launum hans.
Samkvæmt heimildum fréttastofu mun það vera venjan að bifreiðahlunnindi séu hluti af launum, en leggist ekki ofan á þau.
http://ruv.is/heim/frettir/frett/store64/item235285/Quote:
Það gæti reynst starfsmönnum Kaupþings dýrkeypt að stjórn bankans hafi afskrifað skuldir þeirra vegna kaupa á hlutabréfum í bankanum. Helgi Magnús Gunnarsson, yfirmaður efnahagsbrotadeildar ríkislögreglustjóra, segir það kunna að brjóta í bága við almenn hegningarlög. Brotið varði allt að sex ára fangelsi.
Helgi Magnús segir að starfsmennirnir gætu verið sekir um skilasvik með því að rýra svo veðin sem bankinn átti í skuld þeirra að það skerði rétt annarra lánadrottna til þess að fá fullnustu krafna sinna.
Óvirðing þessara manna gagnvart okkur almenningi er ótrúleg. Á sama tíma og mikil aukning hefur verið á heimsóknum fólks til Mæðrastyrksnefndar vegna þess að fólk hefur ekki efni á mat þá heldur þetta fólk sem ber mikla ábyrgð á ástandinu í dag áfram að sukka.
Maður er alveg kominn með upp í kok af allri þessar spillingu og óréttlæti sem viðgengst hérna. Enda ekki skrítið að fólk í kringum mann er að gefast upp á þessu landi og er að hugsa sér til hreyfings.
Login
Register
FAQ
Search
