Merkilegt nokk, bílaleigan hafði meiri áhyggjur af því að ég færi á bílnum til Ítalíu 
Hins vegar gat ég ekki fengið BMW, Audi eða Benz (nema A class
) til þess að keyra til Póllands.Reyndar var mér tjáð að best væri að ég færi ekki nálægt landamærunum að Úkraníu
en það var svo sem ekkert á dagskránni Ef ég vildi fara til Ítalíu þá hefði ég þurft að taka "lægri klassa" af bíl en mig minnir reyndar að Volkswagen Golf hafi einnig verið á listanum yfir bíla sem þeir vildu ekki að færi til Ítalíu
Tékkland er að mínu mati alfarið orðið vestrænt evrópuríki - gott þangað að koma. Keyrði þvert í gegnum Slóvakíu án þess að stoppa mikið þar svo að ég get ekki tjáð mig mikið um það land. Ungverjaland er dálítið annar kapítuli, myndi halda mig á alfaraleiðum.... nema auðvitað ef maður væri í fylgd með innfæddum sem maður þekkti vel.
Mæli með góðu GPS og nýju korti og eins og einhver annar minntist á hérna að passa það að ekkert áhugavert sjáist í bílnum þegar þú þarft að leggja honum einhversstaðar. Þarft að vera vel undirbúin hvað varðar GPS kort því að þegar ég fór til Póllands þá var Pólland ekki "til" í GPS búnaði bílsins né í Garmin tækinu sem ég var með. Vegakort urðu að duga þar.
Einn áhugaverður punktur að hafa í huga þegar lagt er af stað í svona ferðir að sum lönd eru farin að nota mikið af hraðamyndavélum og t.d. í Póllandi voru nánast öll þau vegakort sem maður keypti með nákvæmum staðsetningum þessara myndavéla. Maður vissi því hvenær maður þurfti að hafa augun á hraðamælinum
Ath. erlend bílnúmer vekja alltaf athygli. Gæti vel ímyndað mér að íslenskt bílnúmer muni vekja enn meiri athygli...
Þar sem ég dvaldi að hluta í Póllandi sáust varla bílar með erlendum númeraplötum og tók maður alveg eftir því þegar menn voru að skoða bílinn hjá manni.
Líklega myndi maður bara reyna að fara hratt í gegnum þau lönd sem eru "vafasöm" og reyna að vera búinn að finna góða gistingu með góðri læstri bílageymslu í þeim löndum sem eru "dubious"...
FÍB gæti einnig lumað á upplýsingum fyrir þig um ferðalög til þessara landa.
Annars held ég að þetta gæti orðið helv... skemmtileg ferð þó að ég myndi sjálfsagt kjósa það að fara frekar þegar nær dregur sumri
