by Bjarki » Sat 30. May 2009 23:06
Verkfræði opnar og heldur opnum flestum möguleikum.
Verkfræði í HÍ er gott nám en það er mjög fræðilegt og það skýrist af því að eðlisfræði, stærðfræði og efnafræði er kennd samhliða þeim deildum með litlum breytingum þó sbr. stærfræðigreining 1a/1/1c sem er í sömu röð stærðfræði/verkfræði/tölvunarfræði.
Það er mikil skólun að fara í gegnum verkfræði í HÍ.
Tækniteiknarar og byggingafræðingar eru fyrst og fremst aðstoðarmenn, byggingafræðingar geta þó fengið réttindi til að skila inn teikningum eftir ákv. árafjölda í vinnu.
Ef þú klárar B.s. í verkfræði þá ertu ekki með lögverndað starfsheiti þ.e. mátt ekki kalla þig verkfræðing fyrr en eftir master.
En ef þú tekur tæknifræði þá máttu kalla þig tæknifræðing en það nám er 7 annir.
Svo er hægt að fara í master í verkfræði eftir grunnnám í tæknifræði, það er mjög smart. Þá er grunnnámið miklu hagnýtara og svo er meistaranám alltaf frjálsara og öðruvísi en grunnnámið.
Svo getur þú líka farið erlendis í verkfræði, það er allt annað vil ég meina t.d.DK, þá er rosalega mikil hópvinna og þverfagleg verkefni sem eru margar margar einingar og svo munnleg próf í örfáum einingum. Ekki eins og fyrirkomulagið í HÍ þ.e. 5 fög á önn og skrifleg próf hafa oftast mesta vægið í einkunn. Þekki ekki verkfræðinámið í HR....en það verður að reikna með að HR er fjandi dýr alveg sama þó LÍN láni fyrir skólagjöldunum.
Ég sakna THÍ (TækniHáskólaÍslands) það var góður og gildur skóli, skrýtið að láta hann renna inn í HR, minnkaði til muna námsmöguleika fólks að mínu mati þá m.t.t. til tekna.
En svo á endanum þá er snýst þetta bara um það hvernig einstaklingurinn vinnur úr sinni menntun. Einkunn á prófi er mælikvarði á það hvernig einstaklingur stóð sig á ákv. prófi sem haldið var á ákveðnum degi úr ákveðnu efni og stóð í skamman tíma. En svo tekur alvaran við og þá reynir líka á aðra þætti þá eflaust sé nokkur fylgni á milli starfsframa og velgengni í námi.
Bjarki
E39: 540iA '98
