Það er eitthvað undarlegt í gangi með internetið hjá mér.
Í seinustu viku byrjaði ég á að taka eftir því (auðvitað fyrst af öllu) að ég gat ekki loggað mig inn á MSN. Svo eftir að hafa flakkað aðeins um netið þá kom í ljós að sumar vefsíður virkuðu ekki. Ég er með ljósleiðara hjá Hive í gegnum Gagnaveitu Reykjavíkur, og þegar ég tala um að síðurnar virki ekki, þá semsagt kemur upp innskráningarsíða frá Gagnaveitunni:
Ég er búinn að tala bæði við Hive (Tal) og Gagnaveitunna og þeir segja að þetta hljóti að vera vandamál hjá mér. Eina sem þeir gátu sagt mér að prufa var að gera eitthvað DNS flush, sem hjálpaði ekkert.
Fyrir helgi þá datt netið alveg út í 2 daga (kom semsagt bara 404 error alltaf) og svo varð það aftur þannig að random síður virkuðu, og síðan lagaðst það alveg af sjálfu sér. Og nú er það aftur byrjað að bögga mig, semsagt bara random síður virka.
Til að skýra þetta random dæmi, þá er það ekki eins og heilu síðurnar virki ekki, t.d. virkar Krafturinn alveg, og hefur aldrei dottið út, en ég sé ekki alla broskallana og ekki heldur "Ný innlegg" myndina. Svo opna ég Kraftinn aftur eftir klukkutíma, og þá koma allar myndirnar fram. Eins með aðrar síður, stundum virka þær, stundum virka þær ekki, og stundum hlaðast þær kannski 50% og svo forwardast ég inn á Gagnaveitusíðuna.
Annað til að útskýra þessa sýru:
- Myspace virkaði bara á spænsku í gær, en virkar núna á ensku. (og það eru bara sumar myndir sem birtast)
- Google.is virkar, en ekki Google.com (Update: Var þannig fyrir hálftíma, en núna virðast bæði lénin virka)
Vona að þið skiljið eitthvað í þessu bulli, ég er kannski ekki alveg að koma þessu rétt frá mér.
Er einhver sem skilur eitthvað í þessu og dettur hugsanlega ástæðu í hug?? Eða liggur vandamálið hjá Gagnaveitunni eða Hive og ég þarf bara að rífa meiri kjaft við þá til að fá tæknimann á svæðið?
