Ég hef í tvígang farið út til DE og sótt mér bíl. Annað skiptið keypti ég af einsktakling og í hitt af bílasölu.
Þetta er nú reyndar ekki alltaf svo flókið en það er alveg rétt að ef að bíllinn uppfyllir ekki væntingar þá getur þetta skapað vandamál. Besta leiðin hjá því er að vera ekki að skoða allra ódýrustu bílana og stundum borgar sig líka að sleppa bílum sem eru "grunsamlega" lítið eknir eða grunsamlega ódýrir.
Þú þarft að vera með það alveg á hreinu hvar bíllinn er. Best er að mínu mati að finna bíl nálægt þeim stöðum sem Iceland Air flýgur til. Ég hef í bæði skiptin keyrt bílana til Hollands og látið Atlantskip flytja bílinn heim. Verið hagstæðara fyrir mig.
Í annað skiptið fór ég svo heim frá Amsterdam en hitt tók ég smá skottúr til London og verslaði með konunni.
Þú þarft að gera ráð fyrir gistingu í lágmark 2 nætur (náði því í seinna skiptið).
Það sem þetta gengur annars út á er að fara og versla þér tryggingu á bílinn eftir að þú hefur sæst um ástand og verð. Fara þá í eins konar skráningarstofu (man ekki þýska nafnið í augnablikinu). Þar gengur þú frá eigendaskiptunum og skráir bílinn úr landinu (klipt er á skráningarskírteini og svoleiðis). Svo er venjulega verslun rétt hjá sem selur númer á bíla. Þangað ferðu og kaupir útflutningsnúmer. Til þess að fá þau þarftu fyrrnefnda tryggingu. Þetta gefur þér aksturheimild í öllum helstu ríkjum í Evrópu í ca. mánuð minnir mig.
Í bæði skiptin fékk ég hjálp frá seljandanum við þetta. Kannski eitthvað smávægilegt sem ég gleymi. Man t.d. ekki alveg hvort ég hafi farið aftur inn í skráningarstofuna eftir að ég var kominn með númerin. Held ekki.
En þetta er alls ekki ógerlegt. Mjög skemmtilegt líka og maður getur verið snöggur að þessu. Ég til dæmis fann í annað skiptið bíl á Laugardegi og var farinn út á fimmtudegi, heim á laugardegi og bíllinn kominn á númer ca. 2 vikum seinna.
Ef þér vantar ráðleggingar þá máttu skjóta og ég skal reyna að svara.
Login
Register
FAQ
Search
