bmwkraftur.is

http://mbl.is/mm/frettir/innlent/frett.html?nid=1244784

Lögreglubíllinn hefur bilað í 58 skipti á tveimur árum

Á dögunum varð alvarleg bilun í lögreglubílnum í Búðardal og stendur hann því nú við bílaverkstæði þar til varahlutir berast. Er þetta í 58. skiptið á síðustu tveimur árum sem bíllinn bilar. Að jafnaði hefur því bíllinn verið á verkstæði tvisvar í mánuði. Viðgerðir hafa tekið mislangan tíma en ekki er óalgengt að þær hafi tekið tvær vikur.Þetta kemur fram á fréttavefnum Skessuhorni.

Bifreiðin, sem er af gerðinni Isuzu Trooper árgerð 2000, kom notuð til Búðardals fyrir nokkrum árum og að sögn Jóhannesar Björgvinssonar varðstjóra var þá rætt um að hún yrði þar til bráðabirgða. Henni hefur nú verið ekið ríflega 272 þúsund kílómetra. Jóhannes segir að bifreiðin hafi nánast frá upphafi verið gallagripur hinn mesti og nefnir sem dæmi að 33 skipti á undanförnum tveimur árum hafi hún verið á verkstæði vegna alvarlegra bilana. Ekki hefur Jóhannes undir höndum tölur yfir viðgerðarkostnað en telur augljóst að hann sé gríðarlegur.

Jóhannes segist afar þreyttur á þessu ástandi því umdæmið sé stórt og því sé mjög mikilvægt að hægt sé að treysta einu lögreglubifreið embættisins. Hann segir mjög erfitt og hættulegt að að fara í forgangsakstur um slæma vegi á bifreið sem ekki sé hægt að treysta fullkomlega. Slíkt sé ekki ásættanlegt. Þegar lögreglubifreiðin hefur verið til viðgerðar hefur Jóhannes oft lagt embættinu til sinn eigin fjölskyldubíl. Hann segir það mikið neyðarbrauð sérstaklega vegna þess að slíkir bílar séu ekki tryggðir til forgangsaksturs.

Þessa dagana ekur Jóhannes á gamalli lögreglubifreið úr Borgarnesi en lögregluumdæmið í Búðardal var um áramótin fært undir lögreglustjórann í Borgarnesi. Jóhannes segist vonast til þess að ferli áðurnefndrar Isuzu Trooper bifreiðar sem lögreglubifreiðar ljúki sem allra fyrst og umdæminu verði sinnt með búnaði sem hæfi aðstæðum.

_________________
Bjarki Hilmarsson
--
E34 520iA '90 --seldur--
E34 540 6 spd manual Touring '96 -- seldur --

Vó sami textinn kom nokkrum sinnum hjá þér

En þetta er svakalegt, þeir eiga bara að vera á X5

Hef einmitt setið í þessum bíl. Vægast sagt drusla. Enda hefur maður heyrt að Izuzu Trooper segi bara stopp í 200k.

_________________
BMW 118i

Get alveg staðfest þetta.

Get einnig vottað að izuzu trooper eru gallagripir, gamli hans pabba er keyrður 220 þús og það er búið að skipta um 90% af því sem er undir vélarhlífinni. Það hefur alltaf verið hugsað vel um þetta tæki og sem dæmi um það er ennþá orginal kúpling í honum.

bara einu sinni setið í honum ekki að ég hafi keyrt varlega þarna í kring, hann var bara alltaf bilaður

Í eitt skiptið sem ég ók um dalina var ég á heldur miklum hraða, negldi niður þegar ég sá helvítis trúperinn... en neibb.. hann var svona 5 metra fyrir utan veginn og löggan var að taka myndir af honum (væntanlega að bíða eftir fari heim sýnist mér á þessarri frétt)

Ég er líka ennþá að hneykslast á honum bróður þínum að svíkja svona svakalega lit !

_________________
Owner of: Anax Tuning IvS
Danmark
--------------
99' BMW E36 330i Turbo - 634whp/781wnm
ImolaRot
--------------
04' Ford F550 6.0 Powerstroke - ???hp/???nm
ImolaRot
--------------
06' BMW E61 535d - 442hp/871nm
Spacegrey Metallic

úff... koma nokkrir sjúsjú-arar reglulega niðrí vinnu til mín, alveg hreint ótrúlegt hvað þetta hangir ekki í lagi!!! Er virkilega farið að gruna að þeir séu franskir!

Og til að bæta gráu ofan á svart, að þá er IH umboðsaðili, og það kemur ekki fyrir að þeir eigi til varahluti í þetta!!!

Heppinn að fá klossa í þetta án þess að sérpanta og bíða í 3 vikur

_________________

Gleymir því líka að þó þeir eigi hlutinn. þá ríða þér þeir svo fast í rassgatið að þú ferð beinustu leið með bílinn á sölu eftir viðgerðina

_________________

BMW E30 328i Coupe

þetta kallar maður að kasta krónuni fyrir aurinn.

_________________
E46 330ix touring.
BMW er lífstíll. Við erum 10árum á undan öllum öðrum.

Er það ekki týpískt hjá ríkisvaldinu?

_________________
Bjarki Hilmarsson
--
E34 520iA '90 --seldur--
E34 540 6 spd manual Touring '96 -- seldur --